16:13 04 Теке 2020
Түз эфир
  • USD77.1102
  • EUR86.6140
  • RUB1.0938
Коом
Кыскача шилтеме алуу
Кыргызстандагы коронавирус жуктуруп алгандар (1072)
784 0 0

24-майда Республикалык жугуштуу илдеттер клиникалык ооруканасында Жогорку Кеңештин экс-төрагасы, коомдук ишмер Мукар Чолпонбаев кайтыш болду. Ал коронавирус жугузуп алган.

БИШКЕК, 24-май — Sputnik. Жогорку Кеңештин экс-төрагасы, коомдук ишмер Мукар Чолпонбаевдин сөөгү 25-майда "Ала-Арча" көрүстөнүнө коюлат. Бул тууралуу экс-төраганын кызы Нурила Чекирова билдирди.

Маалыматты өкмөттүн басма сөз кызматы тастыктады.

Эске салсак, бүгүн, 24-майда, Республикалык жугуштуу илдеттер клиникалык ооруканасында Жогорку Кеңештин экс-төрагасы, коомдук ишмер Мукар Чолпонбаев 70 жаш курагында кайтыш болду. Ал коронавирус жугузуп алган.

"Атам коомдук ишмер болгондуктан сөөгү "Ала-Арча" көрүстөнүнө коюлары айтылды. Аны акыркы сапарга узатуу зыйнаты 10:00дө болуп, ага жакындары эле катышат", — деди Чекирова.

Буга чейин Чолпонбаевдин ооруга чалдыгып, бирок абалы жакшы болуп калганы маалымдалган эле.

Кыргызстанда коронавирус жуктуруп алгандардын жалпы саны 1403 болуп, 980 бейтап айыкты. Тилекке каршы, COVID-19 он беш кишинин өмүрүн алды.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Тема:
Кыргызстандагы коронавирус жуктуруп алгандар (1072)

Тема боюнча

Нурматов: коронавирус күзүндө кайтып келиши ыктымал
Коронавирус: ооруканада жаткандардын ичинен 11 кишинин абалы оор

ЭҢ МААНИЛҮҮ