БИШКЕК, 23-май — Sputnik. Жогорку Кеңештин мыйзам чыгаруу жыйынынын экс-спикери Мукар Чолпонбаев жубайы экөө коронавирустан сакайды. Бул тууралуу Sputnik Кыргызстан агенттигине анын кызы Нуриля Чолпонбаева билдирди.
Буга чейин жубайлар ооруканага жаткырылгандыгы жана Чолпонбаевдин абалы оор экендиги кабарланган.
"Атамда коронавирус жок, апам үч күн мурун эле ооруканадан чыгарылган. Атам азыр ал илдеттин кесепеттери менен күрөшүүсү керек. Бул дагы оңой баскыч эмес, себеби коронавирус айрым ооруларды козгойт. Азыр ал жасалма дем алдыруучу аппарат менен дем алууда. Эң негизгиси ата-энем COVID-19ду жеңди, биз абдан кубанычтабыз", — деди Чолпонбаева.
Акыркы маалымат боюнча, КРде жалпы 1365 адам коронавирусту жуктуруп алган. Анын ичинен 957 киши айыгып, 14 киши каза болду.
COVID 19 вирусуна байланыштуу Кыргызстандагы жана дүйнөдөгү жаңылыктарды тексттик баяндамадан окуңуздар.
