12:37 22 Тогуздун айы 2020
Түз эфир
  • USD80.8000
  • EUR95.7440
  • RUB1.0489
Коом
Кыскача шилтеме алуу
Коронавируска байланыштуу Кыргызстандагы кырдаал (2318)
1574 0 0

Бүгүн Кыргызстандан COVID-19дун табылганына 24 күнгө аяк басты. Ал арада республика ичинде бир топ өзгөрүүлөр болду.

Эпидемиологиялык кооптуулуктан улам Бишкек, Жалал-Абад, Ош шаарлары менен Ноокат, Кара-Суу жана Сузак райондоруна өзгөчө абал киргизилди. Жарандардын ары-бери каттоо тартиби катуулады. Ал эми өлкө боюнча өзгөчө кырдаал жарыяланды.

Соңку маалыматтарда коронавирусту жугузуп алгандардын саны 280ге чыкты.

Sputnik Кыргызстан абал боюнча бүгүн да окурмандарга текст, фото жана видео түрүндө маалымат берүүсүн улантат.

Жаңы билдирүү
  • 19:23

    433 медицина кызматкерине март айына 3 млн 159 миң сом компенсациялык төлөмдөр берилди

  • 19:16

    Бишкекте коммерциялык банктардын көчмө кассалары уюштурулду

    Бүгүн борбор калаада калктуу конуштарга жана жаңы конуштарга коммерциялык банктардын көчмө кассалары уюштурулду. Жарандар пенсияларын жана акча которууларын  алышты. Ошондой эле акча алмаштырууга жана башка банк операцияларын жасоого мүмкүн болду.

  • 19:00

    ОШ. Кытайдын Фошань шаарынан Ош шаарына келген гуманитардык жардам медицина, укук коргоо жана тиешелүү кызматтарга бөлүштүрүлүп берилди.

  • 18:51

    БАТКЕН. Милиция чек арада жана эл көп жайгашкан айылдарда күчөтүлгөн тартипте иштеп жатат

    Баткен облусу коңшулаш Өзбек, Тажик республикалары менен чектешкендиктен чек ара аймактарында санитардык-карантиндик посттордо милиция кызматкерлери 2 нөөмөт менен иштеп жатат. Ал эми эл жыш жайгашкан калктуу конуштарда 3 нөөмөттө туруп, коопсуздук чараларын көрүүдө. 

    Айылдын ыктыярдуу элдик кошуундары, жергиликтүү бийликтин коомдук алдын алуу борборлорунун мүчөлөрү биргеликте тыгыз иш алып барышууда. Айыл аймактардагы жергиликтүү тургундарынын коопсуздугун сактоодо, түшүндүрүү иштерин жүргүзүүдө жөө кайгуул күзөттөрү маршруттар боюнча иштеп жатат. 

     Баткен, Кадамжай, Лейлек райондорунда жана Кызыл-Кыя шаарында милициянын көчмө кабылдамасы үзгүлтүксүз иш-жүргүзүүдө. Калктуу конуштарды аралап, үн күчөткүчтөр  менен тургундардын үйдө болуусун жана санитардык гигиеналык эрежелердин туура сакташын эскертүүдө.
    Маалыматты Баткен ОИИБдин басма сөз кызматы таратты. 

  • 17:42

    "Алибаба", "Жек Ма" фонддору Кыргызстанга COVID-19га каршы күрөшүүгө жалпы суммасы 255 миң доллардай гуманитардык жардам беришти.

    Жардам коргоочу костюм, бет кап, термометр өңдүү каражат түрүндө келди. Жакынкы аралыкта өпкөнү жасалма дем алдыруучу аппараттар жана экспресс-тесттердин келиши күтүлүүдө. 

     

    Исполнительный председатель Alibaba Group Джек Ма выступает с докладом Создавая новый Шелковый путь для цифровой экономики на XX Петербургском международном экономическом форуме.

    COVID-19: миллиардер Жек Манын фонддору КРге 255 миң долларлык жардам берди

    Кыргызстанда коронавирус жуктуруп алгандардын жалпы саны 298ге жетти. Анын бешөө көз жуумп, 39у айыгып чыкты. Бейтаптардын арасында 39 медицина кызматкери коронавирус менен алпурушууда.
    Дагы
  • 17:28

    Россияда корнавирустан каза болгон мусулмандын сөөгүн өрттөөгө Аалымдар кеңеши уруксат берди

    "Эгерде жол берилсе, кремация кылар алдында жаназа окулуп, сөөк жуулат. Эгерде майрам сууга алганга такыр болбосо жаназа окуса да, окубаса да болот", — деп айтылган Аалымдар кеңешинин документинде.

     

    Мусульманин совершает обряд праздничного намаза в Соборной мечети города Владимира.

    Россия: коронавирустан көз жумган мусулман адамын кремация кылса болору айтылды

    Эгерде COVID-19дан көз жумган адамды кепиндеп жерге беребиз деп, бирок кооптуулук баары бир жаралып турса, аны табыт менен көмсө болору айтылган.
    Дагы
  • 16:33

    Азыр так маалымат абдан маанилүү. Министрликтердин сайты кандай иштеп жатат?

    Sputnik Кыргызстан министрликтер расмий билдирүүлөрүн коомчулукка кантип жеткирип жатканын билүү үчүн сайттарына жана социалдык тармактагы баракчаларына баш бакты. Анын үстүнө өлкөдөгү эпидемиологиялык кырдаалга байланыштуу такталган маалыматтарды ыкчам жеткирүү маанилүү болуп турганы талашсыз.

     

    Женщина на рабочем месте в офисе. Иллюстративное фото

    Фейк желдей тарап кетүүдө. Министрликтердин сайты кандай иштеп жатат?

    Бүгүнкү күндө маалыматтык коопсуздук башкы маселелердин бири. Кээде социалдык тармактардан ар кандай фейк кабарлар тарап кетет. Мындай учурда расмий органдын жообун алууга кызыгасың.
    Дагы
  • 16:12

    БАТКЕН. 15-апрелге чейин малды жайлоого чыгарбай тургула!

    Өкмөттүн Баткен облусундагы ыйгарым укуктуу өкүлчүлүгү, Баткен облусунун тургундарын  коронавирус илдетинен улам жана өлкөдө түзүлгөн кырдаалга байланыштуу, 15-апрелге чейин малды жайлоого айдабай турууну эскертти. 
     "Анткени жарандардын массалык мал айдоо аракеттери, өзгөчө кырдаалдын тартибин бузуп, жарандардын топтолуусуна жана байланышына шарт түзөт. Ошондой эле тоолуу аймактарда, жайыттарда аба ырайынын төмөндөшү күтүлөт", - деп айтылат маалыматта.

    Жайлоого мал айдоо качан башталаары тууралуу кошумча маалымат берилерин айтышты. 

  • 14:36

    Казакстандын бийлиги өзгөчө абал режимин апрелдин аягына чейин узартуу чечимин кабыл алды.

    Полицейский на блокпосту у въезда в город Алма-Ата.

    Казакстанда өзгөчө абал режими узартылды

    Мамлекет башчысы бүгүн облустар менен шаар акимдеринин жана башка жетекчилик кызматтагылардын катышуусунда онлайн-жыйын курду.
    Дагы
  • 14:35

    Улуттук банктан төрагасынын расмий өкүлү Аида Карабаеванын брифинги аяктады.

  • 14:34

    Өзгөчө абал режими күчүндө болгон мезгилинде насыяларды төлөө айыптарды жана туумдарды кошпостон үч айга жылдырылган.

  • 14:34

    “Насыялык төлөмдөрдү убагында төлөбөгөндөр үчүн, учурдагы кырдаалды эске алып, бардык банктарга бул мөөнөттү кредиттик тарыхка кошпоо сунушталды”, - деди Карабаева.

     

  • 14:33

    Карабаева: Курсту кармап туруу үчүн бүгүнкү күнгө чейин Улуттук Банк 216 млн. долларлык 8 интервенция жасады.

  • 14:30

    Карабаева: Социалдык туруктуулукту камсыз кылуу үчүн кардарлардан карточкасынан комиссия албоо сунушталган.

  • 14:24

    Бүгүн күндө колдонуучулар үчүн 1712 банкомат, 1114 пост-терминал жана 1227 төлөм терминалдар иштеп жатат.

  • 14:23

    29-марттан 9-апрелге чейин өлкөдөгү абалдан улам кредиттердин шарттарын өзгөртүү боюнча 25 жарандан кайрылуу түшкөн.

  • 14:20

    Карабаева: Алыс жашагандар жана айыл өкмөтүнүн жашоочуларына көчмө кассалар уюштурулду.   Бул элди акча каражаты менен камсыздоо максатында болду. Аларды атайын инкасаторлор коштоп жүрөт.

  • 14:15

    Насыя алгандарга кошулуучу туумдарды, кошумча төлөмдөрдү токтотуу боюнча сунуш берилди.

  • 14:15

    Акыркы учурда көчөлөргө коюлган банкоматтар, пост терминалдар көбөйтүлдү.

    Банкоматтаржын саны  – 129, пост-терминалдардыкы  – 1068, төлөм терминалдарынын саны 221ге көбөйтүлгөн.

  • 14:15

    Карабаева: Банктардын кызматкерлери коопсуздук камсыз кылган коргоочу каражаттар менен корголгон. Банктарга калкты болушунча онлайн-тейлөө туурасында сунуштар айтылды.

  • 14:12

    Карабаева: Банктар өз калыбында иштеп, элди тейлеп жатат. Төлөмдөр, акча которуулар аткарылууда. 

  • 14:12

    Улуттук банктын төрагасынын расмий өкүлү Аида Карабаеванын брифинги башталды

  • 14:07

    Муктаж болгон бүлөлөр жана аларга көрсөтүлгөн жардам. Сандар менен

  • 14:00

    ОШ. 80 тонна ун муктаж болгондорго таратылат

  • 13:49

    НАРЫН. "Сары-Чат" санитардык-карантиндик постуна тартипти күчөтүү максатында үч видео байкоо камералары коюлду.

  • 13:48

    Пакистанда жүргөн 73 жаштагы кыргызстандык киши коронавирустан каза болду.

    Пакистанда коронавируска чалдыккан кыргызстандык жаран, "Таблиги Жамаат" кыймылынын мүчөсү көз жумганын жергиликтүү The News International басылмасы жазып чыкты.

     

    Добровольцы Edhi Foundation во время учебной тренировки по работе с носителями коронавирусной болезни (COVID-19) в Карачи, Пакистан, 26 марта 2020 года

    Пакистанда коронавируска чалдыккан кыргызстандык көз жумду

    Пакистанда кыргызстандык жети адамдан коронавирус аныкталган. Бүгүн алардын арасынан биринчи өлүм катталды.
    Дагы
  • 13:30

    Жалал-Абад шаарынын жана Сузак районунун коменданты Жеңишбек Жоробековдун онлайн маалымат жыйыны аяктады

  • 13:29
  • 13:28

    Карантиндик мөөнөттүн узарышы же бүтүшү элге байланыштуу

     “Карантиндик мөөнөттүн узарышы же бүтүшү элге, алардын тартипс сакташына байланыштуу. Эрежени сактап, жүйөөлүү себепсиз көчөгө чыкпаңыздар.  Ал эми медиктер менен тартип сакчылар өз ишин жасап жатат, - деди Жоробеков. 

  • 13:18

    Азык-түлүктүн кымбаттап кеткени боюнча суроолор түштү.

    "Монополияга каршы жана атайын мамлекеттик органдар бааны көзөмөлдөйт, бул боюнча иш алып барып жатат" , - деди Жоробеков. 

  • 13:06

    Жалал-Абад шаарынын жана Сузак районунун коменданты Жеңишбек Жоробековдун онлайн маалымат жыйыны башталды

  • 13:05

    Дүйнөлүк экономиканы очорулткан COVID-19

    Коронавирус пандемиясынан улам дүйнөлүк экономика дагы бир кризиске кабылды. Мындай пикирин Эл аралык валюта фондунун аткаруучу директору Кристалина Георгиева билдирди.

    Анын айтымында COVID-19 социалдык-экономикалык ырааттуулукту чагылгандай тездик менен бузуп салды.

     

    Модель коронавируса, напечатанная в 3D-формате, видна перед графиком акций, и на этой иллюстрации показано слово Экономика. 25 марта 2020 года

    Дүйнөлүк экономика качан калыбына келет. Көңүл чөгөргөн божомол

    Эл аралык валюта фонду экономикалык кризистен улам соода-сатык, транспорт, туризм тармактары жана чакан ишкерлик кылган тараптар өзгөчө жабыр тартарын айтат.
    Дагы
  • 13:04

    COVID-19 жуктургандарды эмне менен дарылап жатышат?

    Медиктер коронавирус жуктуруп алган кыргызстандыктарды вируска каршы препараттар менен дарылап жатышат.

     

    Министрлик: коронавируска кабылгандарды 3 препарат менен дарылап жатабыз

    Бүгүн, 10-апрелде, өлкөдө дагы 18 адамдан COVID-19 аныкталды. Министрдин орун басары илдетке кабылгандарды дарылоодо кайсы препараттар колдонулуп жатканын айтып берди.
    Дагы
  • 12:56

    Өкмөттүн Ош облусу боюнча өкүлү Жылкыбаев менен Ош шаарынын, Кара-Суу, Ноокат райондорунун коменданты Нурдиновдун маалымат жыйыны аяктады

  • 12:51

    Комендант Нурдинов: колунда бар адамдар жардам сурабай тургулачы

    "Учурда колунда бар адамдар азык-түлүк сурап кайрылган учурдар кездешүүдө. Кызматкерлер үйүнө барганда уну да, тамак-ашы бар да жетиштүү болуп чыгууда. Сурасак, "келеби, реакция кылабы деп ойлодук" деген жооптор болууда. Биз күнү-түнү иштеп, элге азык да жеткирип, тартипти да сактап, айтор, тыным албай жатабыз. Андыктан муну токтотуп, колунда бар адамдар жардам сурабай тургулачы. Башкаларга, муктаж болгондорго жеткирип алалы. Азыр азык-түлүк кенен тартыштык жок. Болгону мерчемделген жерге жеткиче, кээде ушундай учурлардан улам 1-2 саат өтүп кетүүдө", - деди Нурдинов. 

  • 12:50

    Уруксат өткөрмө кагазы канча кишиге берилди?

    Өзгөчө абал киргизилген аймакта 25-марттар тарта 12700 өткөрмө кагаздар берилди.

    Алардын ичинен 7555 жөө жүргөндөр, 5000ге чукул автоунаа ээлери алган.

    Өткөрмө кагаз алган 7555дин жарымы медиктер. Андан сырткары банк, почта кызматкерлерине берилди. Ал эми күнү-түнү жүрүүгө мүмкүнчүлүк берген көк түстөгө өткөрмө кагазды 600 адам алган. 

  • 12:46

    Коронавирустан өлгөндөрдү көмүү кандай болуп жатат?

    Нурдинов: Буга чейин корнавирустан каза болгондор жерге берилген. Анын өзүнүн тартиби болду.Карантин режиминде атайын справка жазылат экен. Ага аз сандагы адамдар катышты. Акыркы сапарга узаткандан кийин ал адамдар да карантинге алынды.

  • 12:39

    Жылкыбаев: Январда эле коронавирустун алдын алуу боюнча тапшырма келип түшкөн. Облус боюнча 300дөн ашык обсервацияларды даярдаганбыз. Медиктерге өз милдетин аткарууга маалыматтар берилген. Чек аралар көзөмөлдө болуп, бирок ачык турган.

    Бул убакыт ичинде сырттан 3004 адам, алардын ичинде 300дөн ашуун студент сырттан келди.

  • 12:36

    Жылкыбаев: Ноокатта 10 күндө 4 айда сата турчу унду сатылган

    Жылкыбаев: Сатуучулар менен сүйлөшө келгенде Ноокатта 10 күндө эле 4 айда сата турчу унду соодалангандыгын айтышты. Учурда облуста эл ун менен камсыз болгон. Андан сырткары жеке тараптар элге азык-түлүк алып келүүдө.

  • 12:27

    COVID-19: Элди умрага алып барган турфирмалар жоопкерчиликке тартылабы?

    "Умрага кеткендерди кайсы туристтик фирмалар алып барган, анализ болгонбу, учурунда профилактикалык иштер жасалганбы, мыйзамды сактабай ким сыртка чыгып кеткен деген суроолорго өз учурунда баа берилет. Бул боюнча тиешелүү тараптар иштейт. Азыр башкысы, бул абалдан чыгып кетишибиз керек",  - деди Нурдинов. 

  • 12:24

    Жылкыбаев: Жеке ишкерлерден азык-түлүктөр келип түшүп жатат.  Санай келсек, 1,5 миң тоннага чукул ун, 11 миң кг. макарон, 78 литр суу майы,  4300 кг шекер андан сырткары картошка да келип түштү. Бул жерде турмуш-шартына карата берилет.

  • 12:24

    Ундун 1800 сомдон сатылып жатышы боюнча суроо берилди

    Нурдинов: Коммерциялык тараптар Казакстандан жогорку сорттогу ун алып келгендиктен, ушул баада сатып жатыптыр. Ал эми мамлекеттик линиясы менен берилген азыктарда мындай баа болбошу керек.

  • 12:16

    Нурдинов: Өзгөчө абал кирген жайларда кырдал көзөмөлдө жана туруктуу. Коменданттык саатты 6 адам бузду. Аларга проктокол түзүлдү.   

  • 12:13

    Өкмөттүн Ош облусу боюнча өкүлү Жылкыбаев менен Ош шаарынын, Кара-Суу, Ноокат райондорунун коменданты Нурдиновдун маалымат жыйыны башталды

  • 11:30

    Бишкек шаарынын коменданты Орозалиевдин маалымат жыйыны аяктады

  • 11:28

    Комендант: көчөдөгү терминалды көтөрүп кеткендер боюнча маалымат кечирээк берилет

    Комендант Бишкек шаарынын Абдрахманов көчөсүндө терминалды көтөрүп кеткен арыз боюнча иликтөө иштери башталып, кылмыштардын жана жоруктардын реестрине катталгандыгын айтты.

    "Учурда ал окуяны көзөмөл камераларынан карап иликтедик. Кармалгандар боюнча маалыматтарды кийинчерээк беребиз", - деди Орозалиев. 

  • 11:26

    Бишкектин айланасындагы конуштардын жашоочулары үчүн көчмө кассалар уюштурулат.

    Орозалиев: Конуштардын жашоочулары үчүн көчмө кассалар уюштурулат. Банк кызматкерлердин коопсуздугу тартип сактоо кызматкерлери тарабынан корголот.

  • 11:20

    Комендант: балдарга кыйкырбагыла

    Орозалиев: акыркы учурда балдардын өмүрүн кыйган учурлары туурасында маалыматтар болуп жатат. Андыктан, балдарга кыйкырбай, жумшак мамиле жасагыла деп чоңдорго эскертип кетээр элем. Алар да учурдагы пандемияны башынан өткөрүп жатат. 

  • 11:19

    Комендант: пропускту сураган кишилердин баарына бере албайбыз.

    Орозалиев: Пропускту сураган кишилердин баарына бере албайбыз. Маршруттук баракты толтуруп алып, зарыл ишиңерге барып келгиле. Өткөрмө кагазын сурагандын баары бере берсек, шаарда башаламандык болуп кетет.

  • 11:18

    Орозалиев: Үйгө чыдап отура тургула, инкубациялык мезгил аяктап бара жатат

  • 11:17

    Электрондук уруксат берүү системасы 2-апрелден тарта иштеп, 19 миңден ашуун кайрылуу келсе, 990 кайрылуу канааттандырылды

  • 11:14

    Орозалиев: Бишкек шаарындагы 410 постто комендантык саатта миңден ашуун кызматкер иштеди.

  • 11:12

    Бишкек шаарынын коменданты Алмазбек Орозалиевдин брифинги башталды

  • 11:05

    ЖУМГАЛ. Милиция күчөтүлгөн тартипте иштеп жатат

  • 11:03

    Коронавируска кабылгандардын жаш курагы төмөндөгүдөй

     

    15 жашка чейин — 34 адам, анын арасында бир жашка чыга элек эки наристе бар;
    16 жаштан 19 жашка чейин — 11;
    20 жаштан 35 жашка чейин — 75;
    36тен 55 жашка чейин — 106 адам;
    56 жаштан жогорку — 72 адам.


    Дагы: https://sputnik.kg/society/20200410/1047801009/koronavirus-zhukturgan-ajmak-zhash-kurak.html

  • 10:53

    Коронавируска каршы күрөшүү үчүн Кытайдан келген гумжардам республиканын түштүгүнө жөнөтүлдү. Алар эмнелер?

    "Кытайдан келген гуманитардык жардам бөлүштүрүлдү. Алар – комбинезон, медициналык көз айнек, бир жолку стерилдүү желим хирургиялык кол кап жана бахила. 200 комплекттен Ош шаарына, Жалал-Абад шаарына, Ноокат, Сузак жана Ала-Бука райондорундагы медкызматкерлерге берилди", - билдирди Республикалык штаб. 


    Инфракызыл термометр

    300ү – Ош шаары менен Ош облусуна  

    200ү – Жалал-Абад облусуна 

     100ү – Баткен облусуна бөлүндү.

     

  • 10:45

    Министрлик: учурда оорудан айыккандарды саны - 39 адам.

  • 10:39

    COVID-19 жуктурган 39 медик кайсы аймактарда?


    Бишкекте – 8
     Чүй облусунда - 1
     Ош облусунда – 21
     Жалал-Абад облусунда – 8
     Баткен облусунда – 1 медкызматкер. 

  • 10:37

    Коронавирус 154 аялга жана 144 эркекке жуккан.

  • 10:34

    Чүй облусунун кайсы райондорунда COVID-19 жуктургандар бар?

    Кемин – 6 киши 

    Токмок шаары  – 1,

    Аламүдүн району – 1

  • 10:33

    COVID-19 азыр кайсы облуста көп?

    Жалал-Абад облусунда – 89
    Ош облусунда – 98 учур катталган. 

  • 10:32

    Коронавирус жуктурган 298 учур кайда катталды?

    Жалал-Абад облусунда – 89
    Ош облусунда – 98
    Чүй облусунда – 15
    Баткен облусунда – 4
    Ош ш. – 36
    Бишкек ш. – 42
    Нарын облусунда – 10
    Ысык-Көл облусунда – 4

  • 10:30

    Дагы 5 медик коронавирус жуктуруп алды. Бири - Чүйдө, төртөө - Бишкекте.

  • 10:21

    Ош менен Бишкекте COVID-19 жуктурган кош бойлуулар үчүн атайын оорукана бөлүнгөн

    Түз эфир учурунда оору жугузган кош бойлуулар кайда төрөйт деген суроо түштү

    "Ош менен Бишкек шаарларында кош бойлуулар үчүн атайын оорукана бөлүнгөн. Ал жерде төрөттү кабыл ала турган дарыгерлер даяр, окуудан өткөн. Оштогу ооруканада учурда 37 жума болгон кош бойлуу келин жатат. Ал көзөмөлдө", - деди Каратаев.   

  • 10:21

    Биринчи күндөрү ооруну аныктаганга реагенттер жетишпей жаткан...

    Каратаев: Биринчи күндөрү ооруну аныктап, анализ жасаганга реагенттер жетишпей жаткан. Азыр бизде экспресс-тест жана ПЦР тесттер жетиштүү

     

  • 10:18

    Учурда 8 кишинин абалы оор.

  • 10:17

    Кыргызстанда коронавирустан каза тапкандардын саны 5 кишиге жетти.

  • 10:16

    Екатеринбургдан мындан бир нече күн алып келинген адамдардан COVID-19 табылган эмес

  • 10:14

    Учурда 254 оору стационарда жатат.

  • 10:12

    Жаңы катталган 18 киши кайсы аймактардан?

    Бишкек ш. – 6
    Чүй облусунда (Кемин району – 6, Токмок ш. – 1, Аламүдүн району – 1) – 8
    Жалал-Абад облусунда (Сузак району – 2, Жалал-Абад ш. – 1) – 3
    Ысык-Көл облусунда (Ак-Суу району) – 1

  • 10:02

    Ноокат районунда коронавирустан улгайган бир киши каза болду

  • 10:02

    Кыргызстанда коронавирусту жуктуруп алгандардын саны 298 кишиге жетти

  • 10:02

    Кыргызстанда коронавирусту жуктуруп алган дагы 18 адам катталды

  • 10:02

    Саламаттыкты сактоо министринин орун басары Мадамин Каратаевдин брифинги башталды

  • 09:23

    COVID-19: алдастаган ата-эне балдарын токойго алып кетүүнү чечкен

    Россиянын Свердлов облусунда үч балалуу үй-бүлө коронавирустан аман калуу амалын издеп, токойго качып кеткен.

     

    Коронавирустан корккон үй-бүлө 3 баласы менен токойго качып кетти. Россиядагы окуя

    Полицияга үй-бүлө кожоюнунун эжеси кайрылып, иниси балдарын алып токойго кеткенин кабарлаган. Укук коргоочулар аларды таап келишти.
    Дагы
  • 09:20

    Өкмөт: азыркы кырдаалга кайдыгер карабасаңыз, жардам кылыңыз.

    Өкмөттүн жардам берүү штабы азыркы кырдаалга кайдыгер эмес жарандарды кол кабыш кылууга чакырды. Бул тууралуу өкмөттүн маалымат кызматы кабарлады.

    Жардам тамак-аш жана акча каражат түрүндө кабыл алынат.

    "Көмөк көрсөтөм дегендер каражатты Эмгек жана социалдык өнүктүрүү министрлигинин атайын эсебине 4402011103034541 которсо болот. ИНН номери — 01003199710041. Мындан сырткары, атайын Элсом номери (0990 603030) да ачылган", — деп айтышты өкмөттөн. 

     

live
Кыргызстанды коронавирус каптаган 24-күн: абал боюнча маалымат, видео, сүрөттөр
+
Тема:
Коронавируска байланыштуу Кыргызстандагы кырдаал (2318)

Тема боюнча

Коронавирустан корккон үй-бүлө 3 баласы менен токойго качып кетти. Россиядагы окуя
ТИМ: азырынча чет өлкөдөгү кыргызстандыктарды алып келүү мүмкүн эмес
Белгилер:
оору, күрөш, өзгөчө абал, коронавирус, Бишкек, Кыргызстан

ЭҢ МААНИЛҮҮ