13:15 16 Аяк оона 2019
Түз эфир
  • USD69.8500
  • EUR77.4846
  • RUB1.0834
Милиция кызматкери. Архив

Милиция: Ысык-Көлдө барымтага алынган аял бошотулду

© Sputnik / Табылды Кадырбеков
Коом
Кыскача шилтеме алуу
Көлдүн лагериндеги эки адамдын өлтүрүлүшү (15)
614 0 0

"Хан-Теңири" лагеринде болгон окуя тууралуу маалымат 4-июлда аймактык милицияга келип түшкөн.

БИШКЕК, 5-июл. — Sputnik. Ысык-Көлдөгү "Хан-Теңири" лагеринде барымтага алынган 48 жаштагы аял бошотулду. Бул тууралуу Ысык-Көл облустук милициясынын маалымат кызматы билдирди.

Эске салсак, Ак-Суу райондук нөөмөт бөлүмүнө 4-июлда болжол менен саат 12:20лар чамасында билдирүү түшкөн. Анда Каракол шаарындагы чек ара кызматынын аскер бөлүгүнөн белгисиз адам Сырт өрөөнүндөгү Эңилчек жайлоосунда жайгашкан "Хан-Теңири" лагеринин башчысынын 49 жаштагы А.Д. аттуу орун басарын жана 31 жаштагы кызматкерин атып салганы маалымдалган.

Алдын ала берилген кабарларга караганда, Түп айылынын 29 жаштагы тургуну С.С. аттуу жаран "Вепрь" үлгүсүндөгү курал менен ашканага кирип, отургандардын бирин төшкө, экинчисин ичке аткан. Ошондой эле окуя болгон учурда ашканада тамактанып отурган жылкычы, Түп районунун Тасма айылынын 33 жаштагы тургуну И. У. шектүүнү кармоого аракет кылганда колго сайып салган. Малчы ал жерден качып чыгып, аман калган.

Шектүү жаран буга кошумча ошол жердеги кара тумоого каршы мекеменин кызматкерин — 48 жаштагы аялды барымтага алып, окуя болгон жерден качып кеткени айтылган.

Кырсык болгон жерде Ысык-Көл облусунун Ички иштер башкармалыгынын атайын даярдыктагы аскерлери киши өлтүргөн адамды кармоо боюнча атайын аракеттерди көрүп жатат. Кырсык болгон жерге ички иштер министринин орун басары Мирлан Каниметов келип, атайын операцияга баш-көз болууда.

Тема:
Көлдүн лагериндеги эки адамдын өлтүрүлүшү (15)

Тема боюнча

Көлдө өлтүрүлгөн эки киши, барымтага алынган аял. Учурда эмне болуп жатат
Көлдөгү лагерде эки киши өлтүрүлүп, бир аял барымтага алынды
Көлдөгү лагерде эки адамды өлтүргөн кароолчуну кармоого аскерлер жөнөп кетти
Белгилер:
бошотуу, милиция, барымта, Ысык-Көл облусу

ЭҢ МААНИЛҮҮ