19:11 21 Жетинин айы 2019
Түз эфир
  • USD69.8500
  • EUR77.4357
  • RUB1.0941
КТРКнын башкы директору Илим Карыпбеков. Архив

Илим Карыпбеков КТРК башчылыгына талапкерлигин эмнеге алып салганын айтты

© Sputnik / Табылды Кадырбеков
Коом
Кыскача шилтеме алуу
1223 0 0

Карыпбеков КТРКны төрт жыл башкарды.

БИШКЕК, 28-фев. — Sputnik. Илим Карыпбеков КТРКнын башкы директорлугуна талапкерлигин алып салды. Бул тууралуу ал өзүнүн социалдык тармактагы баракчасына жазды.

Өзүнүн айтымында, адам бир жерде үч жылдан ашык жетекчи болбошу керек деген ой менен ушундай чечим кабыл алган.

"КТРКдагы төрт жылдык жетекчилик миссиям аяктады. Бул аралыкта өлкөнүн биринчи каналынын эң мыкты жетекчиси боло алдым деп айтпайм. Бир катар кемчиликтер, каталар кетти. Жыгылуу, жаңылуулар менен биргеликте кайра туруу, ийгиликтер дагы болду", — деди Карыпбеков.

Ошондой эле билдирүүсүндө учурдагы башкы директор экс-президент Алмазбек Атамбаевге, азыркы өлкө башчы Сооронбай Жээнбековго жана коомдук каналдагы бир катар кесиптештерине ыраазычылык билдирди.

Эске салсак, Коомдук биринчи каналдын башчылыгына алгач 22 адам талапкерлигин койгон. Алардын арасында Карыпбеков дагы бар болчу.

Учурда талапкерлер аңгемелешүүдөн өтүп жатат.

Башкы директорлук кызматтын мөөнөтү — 4 жыл. Шайлоо үч этап менен өтөт. Кийинки баскычка мурунку этаптан өткөн талапкерлер гана чакырылат.
Шайлоо март айынын экинчи жарымына белгиленген.

Тема боюнча

Илим Карыпбеков КТРКнын башкы директорлугунан кетет
КТРКга башчы болом деген 22 кишинин аты-жөнү белгилүү болду. Тизме
Белгилер:
талапкер, КТРК, Илим Карыпбеков

ЭҢ МААНИЛҮҮ