20:47 21 Аяк оона 2018
Түз эфир
  • USD68.8080
  • EUR81.1487
  • RUB1.0386
Өрүктү айылындагы Иштамберди алтын кени. Архивдик сүрөт

"Иштамберди" кенин жергиликтүү тургундар тоноп жатабы? Милициянын жообу

© Пресс-служба правительства / Сабыр Аильчиев
Коом
Кыскача шилтеме алуу
154 0 0

Бир катар ЖМКлар бир жумадан бери кенди жергиликтүү тургундар тоноп жатканын жазып чыгышты

БИШКЕК, 27-фев. — Sputnik. Ала-Бука районундагы Өрүктү айылындагы "Иштамберди" алтын кенинде башаламандык жок экенин Жалал-Абад ОИИББден маалымдашты.

Бир катар ЖМКлар бир жумадан бери "Фулд-Голд майнинг" компаниясы иштетип жаткан "Иштамберди" алтын кенин жергиликтүүлөр тоноп жатканын жазышкан. Башаламандык 19-февралда башталып, кендин аймагына 70-80 киши унаалары менен кирип келгени айтылган.

"Бул маалымат чындыкка коошпойт. 20-февралга караган түнү "Фулд-Голд майнинг" ишканасы иштетип жаткан алтын кендин аймагына Кызыл-Токой айылынын 50-60ка жакын тургуну кирип келип, кенди чыгарып кетүүгө аракет жасашкан. 21-февралда компаниянын генералдык директору укук коргоо органдарына кайрылып, белгисиз адамдарга чара көрүүнү суранган", — деп милициядан билдиришти.

Учурда аталган аймакта абал тынч. Ыкчам иликтөө иш-чараларынын негизинде Кызыл-Токой айылынын бир нече тургундары кармалган. Алардын унаалары айып короого токтотулду.

Укук коргоо органдарынан маалымдашкандай кендин аймагы Ала-Бука райондук ИИББдин көзөмөлүндө турат.

Тема боюнча

Кен казууну жеңилдетчү окуучулар. Өспүрүмдөр жасаган жабдуунун видеосу
Кеминдин Ак-Түзүндөгү алтын чайкоочу компаниянын уу калдык аккан кууру жарылды
Белгилер:
кен, Ала-Бука району, "Иштамберди" алтын кени
Колдонуу эрежелериПикирлер

ЭҢ МААНИЛҮҮ