Белгилүү актер Марат Козукеев каза болду

© Sputnik / Табылды КадырбековКРдин эмгек сиңирген артисти Токтоболот Абдымомунов атындагы кыргыз улуттук академиялык драма театрынын көркөм жетекчиси Марат Козукеевдин архивдик сүрөтү
КРдин эмгек сиңирген артисти Токтоболот Абдымомунов атындагы кыргыз улуттук академиялык драма театрынын көркөм жетекчиси Марат Козукеевдин архивдик сүрөтү - Sputnik Кыргызстан
Жазылуу
КРдин эмгек сиңирген артисти Токтоболот Абдымомунов атындагы кыргыз улуттук академиялык драма театрынын көркөм жетекчилигин аркалап келген

БИШКЕК, 9-дек. — Sputnik. КРдин эмгек сиңирген артисти Марат Козукеев 8-декабрь күнү дүйнө салганын кесиптеши Жолдошбек Жанжигит уулу билдирди.

Анын айтымында, Козукеев кант диабети менен жабыркап жүргөн. 

“Жумуштан үйүнө кечинде келип, жуунуп чыгып эле жыгылыптыр. Тез жардам келгиче эле өтүп кеткен экен”, — деди Жанжигит уулу.

Кыргыз улуттук академиялык драма театрында көркөм жетекчиси, КРдин Эмгек сиңирген артисти, Муратбек Рыскулов, Чыңгыз Айтматов атындагы эл аралык сыйлыктардын лауреаты Марат Козукеев маек учурунда - Sputnik Кыргызстан
Марат Козукеев: өзүмө ишенбегендиктин азабын көп тартам
Эскерте кетсек, 47 жаштагы Козукеев Токтоболот Абдымомунов атындагы кыргыз улуттук академиялык драма театрынын көркөм жетекчиси болуп эмгектенип, кыргыз-түрк “Манас” университетинде да окутуучулук кесипти аркалаган.

Жанжигит уулу маркумдун сөөгү кичи мекени Панфилов районундагы Эркин-Сай айылында жерге берилерин маалымдады.

Марат Козукеевдин Sputnik Кыргызстан маалымат агенттигине берген акыркы маегин бул жактан окуңуздар>>

Жаңылыктар түрмөгү
0