20:13 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Аялдар абагы. Архив

Бала өлтүргөн аялдар абактан дээрлик аман чыкчу эмес. Түрмө кызматкеринин маеги

© AFP 2019 / STR
Коом
Кыскача шилтеме алуу
927102

Бүгүн ымыркайын өлтүрдү деп шектелип жаткан келин убактылуу кармоочу жайда өзүнө өзү кол салып, жанын кыйганы белгилүү болду. №2 аялдар түрмөсүндө баланы өлтүргөнү үчүн камакка алынгандарга кандай мамиле жасаларын аталган жайдын мурдагы кызматкери Sputnik Кыргызстан менен болгон маегинде айтып берди. Ал аты-жөнүн ачыкка чыгарууну каалаган жок.

"Бир тууган Карамазовдор" романынын баш каарманынын монологунда баланы азап тарттыргандарды эч нерсе актабай турганы айтылат эмеспи. Биздин маектеш да ушундай пикирин билдирди.

— Аялдардын түрмөсүндө качан иштегенсиз?

— Ал союздун ураган учуру, 90-жылдардын башы болучу. Абдан кыйын учур эле, ал эми абактардагы абалды айтпай эле коёюн. Балдарды өлтүргөндөр ал жакка түшсө, көп учурда жашоо менен коштошконго барабар болучу.

— Аялдар колониясында мындайлардын тагдыры кандай болчу эле?

— Бир жолу күйөөсүнө жинденип, эки баласын өлтүргөн аял түштү. Аялдардын түзөтүү жайларында эркектердин абагындагыдай "пахандардын" ролун лидер аялдар басат. Колония боюнча андайлардын саны эки-үчөө болушу мүмкүн. Ошондойлордун бири менен алдын ала жолугуп, алар эмне кылышаарын сурап кызыктык. Лидер аял "аны өлтүрбөйбүз" деп жооп кайтарды. Биз болуп кете турчу бардык коркунучтун алдын алдык. Бирок эртедир-кечтир ага бары бир жете турганын сездик. Ошондой эле болду.

Аны ортого алып тепкилешкенин билем. Соттолгон аялдар эки катар болуп тизилип туруп, ошолордун арасынан тигил аял чуркап өтүшү керек болчу. Тилекке каршы, аягына чейин чуркап чыга алган жок. Эсин жоготуп жыгылган.

Кийин аны күн сайын сабашканын мага айтышты. Мындайга чыдай алган жок, жанын кыйды. Тилекке каршы, аябай кыйналып өлдү. Аны куткара албай калдык.

— Мындай учурлардын көбү эсиңизде болсо керек?

— Жок, мен болгону беш жарым жыл иштедим да. Бул аралыкта балдарын өлтүргөн 6-7 аял түшкөн. Менин учурумда бир аял каза болгон. Экинчи учур бир аял өгөй баласын камап, тамак-аш бербей өлтүрүп коюптур. Бала 7 жашта экен.

— Анын тагдыры кандай болду анан?

— Абактан чыккыча жашады. Жаңылбасам мунапыска туш болсо керек эле. Ошол жыл Аялдар жылы деп жарыяланган. Бирок кийин аны өлтүрүп кетишкенин уктук.

— Ал убакта абакта катаал мыйзамдар өкүм сүрчү деп айтышат. Азырчы?

— Азыркысын так билбейм, бирок анчалык катаал болбой калган деп угам. Акчаң болсо сүйлөшүп алсаң болот экен, мисалы, кол майласа кутулуп деле кетиши ыктымал.

Тема боюнча

Ош: кайненесинин башын кескен келин эжеси экөө камакта эки айга калтырылды
Ымыркайдын таштандыга ыргытылган сөөгү. Шектүү аял кармалды
Белгилер:
аял, түрмө, бала, Кыргызстан

ЭҢ МААНИЛҮҮ