БИШКЕК, 22-фев. — Sputnik. Россиянын муфтийлер кеңеши Сауд Аравияга РФ квотасы менен Борбор Азиядан келген эмгек мигранттарына ажыга барууга уруксат берүү өтүнүчү менен кайрылганын башкы муфтий Равиль Гайнутдиндин сөзүнө таянып РИА Новости жазып чыкты.
Дин өкүлүнүн айтымында, Россиянын 20 миң 500 оруну бар. Мигранттар анын ичинен 200-400үн колдоно алат. Ошондой эле Европа мамлекеттерине жеңилдетүүлөр берилгени дагы айтылды.
"Биз эмгек мигранттарына квотанын бир бөлүгүн берүүгө даярбыз. Бул маселе боюнча Сауд Аравиянын бийлиги макулдугун берет деген ойдобуз. Анткени алар биздин өтүнүчүбүздү өтө жылуу кабыл алды", — деди Гайнутдин.
Меккеге ажылыкка баруу — мусулмандын беш милдетинин бири. Ислам динин туткан ар бир адам мүмкүнчүлүгү болсо өмүрүндө жок дегенде бир жолу зыяратка барып келиши шарт.
