Тазабек Икрамов: жөө баскандар жолдон чайпалып өткүчө тыгын жаралууда

Жазылуу
"Өнүгүү — Прогресс" фракциясынын депутаты Тазабек Икрамов жөө жүргүнчүлөр үчүн атайын жол салуу керек деген пикирде.
Тазабек Икрамов: жөө баскандар жолдон чайпалып өткүчө тыгын жаралууда

БИШКЕК, 21-дек. — Sputnik. Жөө жүргүнчүлөр чайпалып басканча тыгын жаралууда. Бул тууралуу "Өнүгүү — Прогресс" фракциясынын депутаты Тазабек Икрамов парламентте билдирди. 

Белгилей кетсек, Жогорку Кеңеш мас абалда жол кырсыгына себепкер болгон айдоочуну өмүр бою унаа айдоо укугунан ажыратуу жазасын киргизген мыйзам долбоорун карап жатканда "Өнүгүү — Прогресс" фракциясынын депутаты жөө жүргүнчүлөр тууралуу айтты. 

"Кайгуул милиция (МАИ) кызматкерлеринде видео байкоо сөзсүз болушу керек. Туура эмес кармаган кызматкерлер жазаланышы зарыл. Жол чырак күйсө эле адамдар да өтүп жатат. Буларга өзүнчө жол ачышыбыз керек да. Оң жакка бурула турган белги күйгөндө адамдар да кошо басып, тыгын пайда болууда. Азыркы жөө жүргөн жарандарыбыз дагы чайпалып, телефон менен сүйлөшүп бир канча убакытты алууда", — деди Икрамов.

Аталган мыйзам долбоору биринчи окууда жактырылды.

Жаңылыктар түрмөгү
0