11:27 23 Тогуздун айы 2020
Түз эфир
  • USD80.7429
  • EUR95.6400
  • RUB1.0475
Саясат
Кыскача шилтеме алуу
Шайлоо-2020 (252)
98720

Жумушчу топ Жумабековдун аракетин анализдеп чыгып, административдик ресурс колдонуу фактысын аныктаган.

БИШКЕК, 18-сен. — Sputnik. Борбордук шайлоо комиссиясынын жумушчу тобу Жогорку Кеңештин депутаттыгына талапкер, учурдагы спикер Дастан Жумабеков "административдик ресурс колдонгон" деген корутунду чыгарып, БШКнын кароосуна киргизди. Бул тууралуу Sputnik Кыргызстанга БШКнын мүчөсү Гүлнара Журабаева билдирди.

Анын айтымында, жумушчу топ спикердин аракетин анализдеп чыгып, административдик ресурс колдонуу фактысын аныктаган.

"БШКнын арыздануулар боюнча жумушчу тобу Дастан Жумабековдун депутаттыкка талапкерлигин каттоодон чыгаруу боюнча БШКга сунуш берүү чечимин кабыл алды. Жумушчу топ соцтармакка жарыялаган маалыматтарга, бейөкмөт уюмдан түшкөн арыздын жана партиянын ыйгарым укуктуу өкүлүнүн аргументтерине карап тыянак чыгарды. БШКнын жыйыны бүгүн саат 18.00дө болот", — деди Журабаева.

Ошондой эле ал Жумабековду жарыштан четтетүү же калтыруу маселеси бүгүн так чечилерин белгиледи.

Админресурс колдонгондор кандай жазаланат? Мамкызматкерлер үчүн маалымдама

Белгилей кетсек, 15-сентябрда Дастан Жумабековдун өкмөттүн Талас облусундагы өкүлү Марат Мураталиевдин коштоосунда Кара-Буура райондук ооруканасына барган сүрөттөрү чыккан. Анда көз жарган келинге өзүнүн үй-бүлөсүнүн атынан сүйүнчү катары 50 миң сом бергени айтылып, жакынкы жылдары мамлекет наристелүү болгон ар бир үй-бүлөгө ушундай каражат төлөп берерин убадалаганы жазылган.

Буга байланыштуу БШКнын айрым мүчөлөрү шайлоо мыйзамдарын бузду деп Жумабековду же ал курамына кирген "Кыргызстан" партиясын шайлоого катышуудан четтетүүнү сунуштаган. Ошондой эле алар Жумабеков спикер кызматын пайдаланып, үгүт иштерин административдик ресурс, сүйүнчү пул бергенин добуш сатып алуу катары баалаган.

Тема:
Шайлоо-2020 (252)

Тема боюнча

Депутат башында жаш келиндей. ЖКнын маалымат кызматынын жетекчисинин баяны
Бизде административдик ресурсту колдонуу мүмкүн эмес. Жээнбеков шайлоо тууралуу
Азыркы депутаттардын 84ү кайрадан шайлоого бара жатат. Тизме
Белгилер:
админресурс, талапкер, БШК, шайлоо, Дастанбек Жумабеков

ЭҢ МААНИЛҮҮ