11:59 22 Бирдин айы 2020
Түз эфир
  • USD69.8500
  • EUR75.5323
  • RUB1.0863
Саясат
Кыскача шилтеме алуу
351 0 0

"Казак" өспүрүм кызды зордуктоого шектелип жатса, сот аны үй камагына чыгарганы боюнча парламентте да маселе көтөрүлгөн.

БИШКЕК, 16-янв. — Sputnik. Жогорку соттун алдындагы тартип комиссиясы уюшкан кылмыштуу топтун мүчөсү "Казакты" бошоткон Ош шаардык сотунун судьясы Айнура Сулайманованы кызматтан алууну сунуштады. Бул туурасында Sputnik Кыргызстанга аталган комиссиянын маалымат кызматы кабарлады.

Билдирүүгө ылайык, Ош шаардык прокуратурасы Сулайманованын ыйгарым укуктарын мөөнөтүнөн мурда токтотуу сунушу менен тартип комиссиясына кайрылган. Маселе 12-январда каралып, комиссия мүчөлөрү жактырган.

"Комиссиянын чечими менен сунуш Сооронбай Жээнбековдун кароосуна жөнөтүлдү. Мыйзамга ылайык, сотторду мамлекет башчы дайындап, кызматтан кетирет", — деп айтылат маалыматта.

Азырынча судья Сулайманова кайсы иш боюнча айыпталып жатканы белгисиз.

Уюшкан кылмыштуу топтун мүчөсү "Казак" бир нече кылмыштарга, анын ичинде өспүрүм кызды зордуктоого шектелип кармалгандан кийин сот аны үй камагына чыгарганы боюнча парламентте да маселе көтөрүлгөн.

Тема боюнча

Оштун мурдагы мэри Кадырбаевдин иниси токмоктолуп, ооруканага түштү
Баткен прокурорунун өлүмү: шектүүнү үч кылмышка айыпталган судья соттоп жатат
Белгилер:
кылмыш, комиссия, кызматтан алуу, сот

ЭҢ МААНИЛҮҮ