03:18 15 Жетинин айы 2019
Түз эфир
  • USD69.8500
  • EUR76.8979
  • RUB1.0878
Кыргызстандын экс-президенти Алмазбек Атамбаев. Архив

Атамбаевдин кабинетине үн жаздыруучу каражат орнотуу аракети болгонбу? УКМК жообу

© Фото / секретариат фракции СДПК
Саясат
Кыскача шилтеме алуу
837 0 0

Ведомство "Форум" имаратында иштеген кишинин билдирүүсүн провокация деп эсептейт.

БИШКЕК, 24-май — Sputnik. Улуттук коопсуздук мамлекеттик комитети экс-президент Алмазбек Атамбаевдин кабинетине үн жаздыруучу аппарат орнотууну каалаган деген маалыматты төгүндөдү.

Белгилей кетсек, интернет айдыңында өзүн "Форум" имаратында (Анда КСДПнын кеңсеси жайгашкан) иштеген киши катары тааныштырган адамдын видеосу тарады. Ал УКМКнын кызматкери Алмазбек Атамбаев менен Фарид Ниязовдун кабинетине үн жаздыруучу каражатты орнот деп талап кылып жатканын билдирген.

Видеодо кишинин жүзү көрсөтүлгөн эмес. Анын жанында Мамлекеттик күзөт кызматынын мурдагы жетекчиси, КСДПнын саясий кеңешинин мүчөсү Дамир Мусакеев отурганын көрүүгө болот. Киши УКМКнын кызматкерлери аны апрель айынан бери аңдып жүрүп акыры WhatsApp аркылуу чалышканын билдирген.

Анын айтымына караганда, атайын кызматтын өкүлдөрү эгер УКМК менен иштешпесе ага каршы "компромат" табышаарын билдиришкен.

Киши алардан коркпой турганын, бирок УКМКнын өкүлдөрү канчалыкка барышарын билүү үчүн макул болгонун белгилеген. Ал ошондой эле УКМКнын кызматкери менен жолукканын видеого тартып алганын билдирген.

Андан соң ал атайын кызматтын өкүлдөрү берди делген эки узарткычты көрсөтүп берди. Айтымында, ал аркылуу үн жаздырса болот.

Улуттук коопсуздук мамлекеттик комитети мындай билдирүүлөр калп жана провокация экенин маалымдады.

"Айрым саясий ишмерлер өздөрүн пиарлаш үчүн атайын кызматка каршы жалган маалыматтарды таратып жатат", — дешти УКМКдан.

Ведомство жарандарды такталбаган маалыматтарды ЖМКларга таратуудан оолак болууга чакырат.

Ошондой эле УКМК "Форумдун" өкүлдөрү окуянын чоо-жайын такташ үчүн тийиштүү органдарга кайрыла аларын жана өздөрү дагы жардам беришерин белгиледи.

Тема боюнча

Матраимов "Райым миллион" лакап атын ким койгонун айтты
Прокуратура: Атамбаевдин жансакчысынын туугандарына 20 млн. сомдук үйлөр таандык
Белгилер:
форум, Алмазбек Атамбаев, УКМК

ЭҢ МААНИЛҮҮ