23:53 08 Баш оона 2020
Түз эфир
  • USD77.0500
  • EUR91.1694
  • RUB1.0463
Саясат
Кыскача шилтеме алуу
196701

Бишкек шаарына башчы болгондор бул кызматка чейин кандай тепкичтерди басып өткөнүн Sputnik Кыргызстан агенттиги баамдап көрдү.

БИШКЕК, 30-июл. — Sputnik. Үстүбүздөгү жылдын июль айынын орто ченинде Бишкек шаардык кеңешинин депутаттары ошол учурдагы мэр Албек Ибраимовго ишеним көрсөтпөй, ээрден оодарып түштү.

Экс-мэр учурда камакка алынып, Кылмыш жаза кодексинин төрт беренеси боюнча айыпталып жатат.

Эми жаңы калаа башчысын шайлоо 8-августка белгиленди. Көпчүлүк коалиция бул кызматка Жогорку Кеңештин мурдагы депутаты Азиз Суракматовдун талапкерлигин көрсөтүүдө. Бирок социалдык тармактардын колдонуучулары вице-премьер Алтынай Өмүрбекованы колдошууда.

Sputnik Кыргызстан агенттиги Бишкектин мурдагы мэрлери бул кызматка келгенге чейин ким болгонун тизмектеп чыкты.

Акматбек Нанаев (1990-1991-жыл)

Эдуард Амвросиевич Шеварднадзе и Акматбек Нанаев
© Sputnik / РИА Новости
Акматбек Нанаев

Бишкектин биринчи мэри. Ал алгач партиянын Свердлов району боюнча комитетти жетектеп турган.

Абдыбек Суталинов (1991-1992)

Заместитель Председателя Конституционного суда Кыргызской Республики Суталинов Абдыбек
предоставлено Александром Федоровым
Абдыбек Суталинов

Милиция кызматкери. Мэрлик кызматка келгенге чейин ички иштер министринин орун басары болгон. Иштен кеткенден кийин кайра эле ИИМге барган.

Өмүрбек Абакиров (1992-1993)

Экс-Глава государственной администрации Бишкека Омурбек Абакиров
предоставлено Александром Федоровым
Өмүрбек Абакиров

Беш жыл бою калаа башчысынын орун басарлык кызматын ээлеген. Кийин шаардык кеңештин төрагасынын биринчи орун басары болуп жүрүп, мэрлик кызматка келген.

Жумабек Ибраимов (1994-1995)

Видный государственный и общественный деятель, премьер–министр Кыргызской Республики Жумабек Ибраимов
© Фото / семейный архив Ибраимовых
Жумабек Ибраимов

СССРдин Жогорку советинин экс-депутаты калаа башчылыгына келгенге чейин "Жанар" акционердик коомунун генералдык директору болгон. Карьерасындагы эң бийик тепкич премьер-министрлик кызматы болуп эсептелет.

Борис Силаев (1995-1998)

Экс-мэр города Бишкек Борис Силаев.
Александр Федоров
Борис Силаев

Бишкектин Октябрь райондук администрациясын жетектеп турган. Ал эл тарабынан шайланган жападан жалгыз башчы.

Феликс Кулов (1998-1999)

Экс-Депутат Жогорку V созыва Феликс Кулов на круглом столе по вопросу введения поправок в Конституцию
© Sputnik / Табылды Кадырбеков
Феликс Кулов

Темир генерал мэр болгонго чейин Чүй облусун башкарган.

Медетбек Керимкулов (1999-2005)

Президент ассоциации нефтетрейдеров Кыргызстана и экс-мэр Бишкека Медетбек Керимкулов.
предоставлено Александром Федоровым
Медетбек Керимкулов

Мурдагы эки мэрдин биринчи орун басары болгон. Кийин 1999-жылы калааны өзү жетектеп калды. Ал шаарды алты жыл бою башкарып рекорд койгон.

Аскар Салымбеков (2005-жылдын апрель айынан август айына чейин)

Президент ассоциации Дордой, экс-мэр Бишкека Аскар Салымбеков. Архивное фото
© Фото / Александр Федоров
Аскар Салымбеков

Бул убакыт аралыгында мэрдин милдетин аткаруучу болуп турду. Ага чейин Нарын облусунун губернатору эле. Учурда Кыргызстандагы эң бай адамдардын катарын толуктап келет.

Арстанбек Ногоев (2005-2007)

Бывший глава столицы и экс-министр сельского хозяйства Кыргызстана Арстанбек Ногоев.
предоставлено Александром Федоровым
Арстанбек Ногоев

Мэр болгонго чейин эки жыл бою калаа башчысынын орун басары болуп турган. Кийин айыл чарба министринин орун басары болуп дайындалган. Андан соң Россиянын жарандыгын алып, Пенза облусунун башчысынын орун басары, Кашира шаарынын вице-мэрлик кызматын аркалаган. 2014-жылы Чолпон-Атадагы ипподромду мыйзамсыз негизде менчиктештирүү боюнча козголгон кылмыш иштин фигуранты болгон.

Данияр Үсөнов (2007-2008)

Вице-премьер-министр КР Данияр Усенов на заседании в совета ЕС в Брюсселе. 18 июля 2006 года
© AFP 2020 / JACQUESCOLLET
Данияр Үсөнов

2007-жылдын март айына чейин биринчи вице-премьер болуп турган. Ошол эле жылдын октябрь айында Бишкектин мэри болуп шайланган. Марттан октябрга чейин эмне иш менен алектенгени белгисиз.

Нариман Түлеев (2008-2010)

Бывший мэр города Бишкек Нариман Тюлеев в торговом центре ГУМ Чынар
© Sputnik / Табылды Кадырбеков
Нариман Түлеев

Мэрликке келгенге чейин "Кыргыз темир жолу" мамлекеттик ишканасын үч жыл башкарган.

Иса Өмүркулов (2010-2013)

Депутат ЖК 6 созыва от фракции СДПК Иса Омуркулов. Архивное фото
© Sputnik / Табылды Кадырбеков
Иса Өмүркулов

Оппозиция өкүлдөрүнүн бири жана Жогорку Кеңештин депутаты апрель революциясынын эртеси эле — 2010-жылдын 8-апрелинде Бишкекке башчы болгон.

Кубанычбек Кулматов (2014-2016)

Бывший председатель Государственной таможенной службы КР Кубанычбек Кулматов
© Sputnik / Табылды Кадырбеков
Кубанычбек Кулматов

Мурдагы бажычы мэр болгонго чейин жарым жылга жетпеген убакыт аралыгында Чүй облусун жетектеген.

Белгилей кетсек, учурда коомчулук арасында мэрди шаардык кеңештин депутаттары эмес, калаа тургундары шайлашы керек деген маселе көтөрүлө баштады.

Тема боюнча

Шаардык сот Албек Ибраимовду камакта калтырды
Бишкектин мэри болом дегендер 31-июлда кыргыз тилинен экзамен берет
Белгилер:
талапкер, мэр, шайлоо, Бишкек шаардык кеңеши, Бишкек

ЭҢ МААНИЛҮҮ