БИШКЕК, 13-фев. — Sputnik. Кубанычбек Кулматовду президенттикке талапкер катары көрсөтүүнү КСДП партиясы пландаган эмес. Бул тууралуу аталган саясий партиянын расмий сайтына жарыяланды.
Бүгүн 13-февралда 24.kg маалымат агенттиги саясий партиянын катчылыгы президенттик тактыга социал-демократтардын атынан Кыргыз-орус өнүгүү фондун башкарып жаткан Кубанычбек Кулматов катышарын тастыктаганын жазып чыккан.
"КСДП партиясы аталган билдирүү чындыкка дал келбей турганын жана такталбаган маалымат экенин расмий түрдө жарыялайт. КСДП партиясы азырынча президенттик шайлоого кимдир бирөөнүн талапкерлигин сунуштай элек", — деп жазылат маалыматта.
Буга чейин президенттик шайлоого катыша турганын расмий түрдө мурдагы премьер-министр Темир Сариев менен "Өнүгүү Прогресс" фракциясынын жетекчиси Бакыт Төрөбаев билдирген.
