01:50 26 Бугу 2020
Түз эфир
  • USD73.6468
  • EUR80.2603
  • RUB1.0246
Жаңылыктар
Кыскача шилтеме алуу
Балдарга жасалган зордук-зомбулук (42)
11810

Балдарга карата ырайымсыз мамиле жасоо фактылары кайталангандыгына байланыштуу президент өкмөткө мындай окуялардын алдын алуу боюнча тез арада координацияланган чараларды иштеп чыгуу жана ишке ашыруу тапшырмасын берди.

БИШКЕК, 14-янв — Sputnik. Балдарга карата ырайымсыз мамиле жасоо фактылары кайталангандыгына байланыштуу президент Алмазбек Атамбаев өкмөткө мындай окуялардын алдын алуу боюнча тез арада координацияланган чараларды иштеп чыгуу жана ишке ашыруу боюнча тапшырма бергенин президенттин маалымат кызматы билдирди.

Президенттин билдирүүсүнө ылайык, мамлекеттик органдар ооруканага катуу сабалып алынып келген кичинекей балдарга карата зомбулуктун алдын алуунун жолдорун жана каражаттарын иштеп чыгууга милдеттүү. Кичинекей балдарга зомбулук көрсөткөндөргө катуу жаза каралып, үй-бүлөдө зомбулуктун себептерин жоюуга багытталган чаралардын комплекси зарыл.

Андан сырткары, коомдук аң-сезимде зомбулукту айыптоо маанайын түзүү үчүн бир катар маалыматтык-түшүндүрүү чараларын иштеп чыгуу зарыл. Себеби, жапа чеккен балдардын туугандары зомбулук көрсөткөндөрдү коргоп чыккан терс тажрыйбалар арбын болуп келет.

Алмазбек Атамбаев балдар толугу менен мамлекеттин, коомдун жана үй-бүлөнүн коргоосунда болууга тийиш экенин баса белгиледи. 

"Балдарга аяр мамиле жасап, алардын ден соолугу, келечеги тууралуу камкордук көрүү аркылуу гана биз эркин жана гүлдөп өнүккөн Кыргызстан кура алабыз", — дейт Атамбаев.

Чүй облусунун Озерное айылынан катуу сабалып, эс учунан танып жаткан эки жашар бала боюнча президент наристени сактап калуу үчүн бардык мүмкүнчүлүктөрдү пайдаланууга, окуянын себептерин терең териштирүүнү камсыз кылууга милдеттендирди.

Жергиликтүү ЖМКлардын маалымдашынча Бишкек шаардык балдардын тез жардам ооруканасынын жандандыруу бөлүмүнө 11-январда эки жаштагы бала келип түшкөн. Дарыгерлер баланын катуу сабалганын айтып, учурда эсине келбей атканын кабарлашкан.

Баласын ооруканага алып келген ата анын тепкичтен жыгылып кеткенин айткан. Алдын ала маалыматтарга ылайык, 2 жаштагы бала атасынын туугандарында тарбияланып аткан. Дарыгерлер ата өзүнүн жакындарын коргош үчүн жалган айтып атканын бир ооздон билдиришүүдө.

Тема:
Балдарга жасалган зордук-зомбулук (42)

Тема боюнча

Россиядан он жети таштанды бала Кыргызстанга кайтарылды
Жалал-Абад облусунда тогуз айда 13 эненин өлүмү катталган
Белгилер:
Алмазбек Атамбаев

ЭҢ МААНИЛҮҮ