00:27 02 Баш оона 2021
Түз эфир
  • USD84.7585
  • EUR100.8923
  • RUB1.1589
Окуялар
Кыскача шилтеме алуу
319 0 0

Окуя кечээ, 21-июнь күнү, болгон. Эртең менен мектепке барам деп үйдөн чыгып кеткен кыздын сөөгү кечинде токойдон табылды.

БИШКЕК, 22-июн. — Sputnik. Кеминде 16 жаштагы кызды кыйнап өлтүрүп, сөөгүн токойго ыргытып салган деген шек менен 42 жаштагы киши кармалды. Бул тууралуу Чүй облустук милициясынан кабарлашты.

Задержанный подозреваемый в убийстве несовершеннолетней девочки 2005 года рождения в Кеминском районе
© Фото / пресс-служба ГУВД Чуйской области
Кеминде 16 жаштагы кызды кыйнап өлтүрүп, сөөгүн токойго ыргытып салган деген шек менен 42 жаштагы киши кармалды

Маалыматка караганда, окуя кечээ, 21-июнь күнү, болгон. Саат 17.30да Кемин райондук ички иштер бөлүмүнө жергиликтүү тургун кайрылып, кызы түшкө чейин эле үйүнөн чыккан бойдон кайтып келбегенин айткан. Ал эми ага 15 мүнөт калганда, тагыраагы, саат 17.15те милицияга токойдо бойго жете элек кыздын сөөгү табылгандыгы тууралуу маалымат жеткен.

Жерине барган милиция кызматкерлери ал энеси издеп жаткан 16 жаштагы кыздын сөөгү экенин аныктап, аталган факт Кылмыш жана жоруктардын бирдиктүү реестрине Жазык кодексинин 130-беренесине ("Адам өлтүрүү") ылайык каттоого алынган.

Милициянын маркумдун энесинин көрсөтмөсүнө таянып билдиргенине караганда, кыз мектепти бүткөндүгү тууралуу күбөлүктү алуу үчүн эртең менен үйдөн чыгып кеткен. Саат 11лер чамасында коңшусунун телефонунан чалып, анын үйүндө сугат иштери бүткөндөн кийин келерин кабарлаган.

"Кыз апасына чалып алуу үчүн кошунанын телефонун, андан кийин акча сураганы айтылат. Ошол маалда ал мүмкүнчүлүктөн пайдаланып кызга асыла баштаган. Качан гана өспүрүм кыйкыра баштаганда коркуп кетип, аны муунтуп салган. Кийин сөөгүн токойго жеткирүү үчүн башка коңшусунун автоунаасын алган", — деп айтылат милициянын билдирүүсүндө.

Көп өтпөй укук коргоочулар шектүү катары 42 жаштагы кишини кармады. Ал мурда ээнбаштык жана алдамчылык фактылары менен бир нече жолу соттолгону аныкталган.

Автомашина в которой задержанный подозреваемый вывез тело несовершеннолетней девочки 2005 года рождения в Кеминском районе
© Фото / пресс-служба ГУВД Чуйской области
Маалыматка караганда, окуя кечээ, 21-июнь күнү, болгон. Саат 17.30да Кемин райондук ички иштер бөлүмүнө жергиликтүү тургун кайрылып, кызы түшкө чейин эле үйүнөн чыккан бойдон кайтып келбегенин айткан

Учурда шектүү Кемин райондук милициясынын убактылуу кармоо жайына киргизилди.

Тема боюнча

Ошто мушташтан каза болгон 24 жаштагы жаран УКМКда иштегени белгилүү болду
Белгилер:
Чүй облусу, Кемин, кыз, адам, Өлтүрүү, милиция, шектүү, бүтүрүүчү

ЭҢ МААНИЛҮҮ