Ноокенде күйүүчү май ташуучу унаа оодарылып, андагы бензин арыкка төгүлдү

© Sputnik / Александр Кряжев / Медиабанкка өтүүМай ташуучу унаа. Архив
Май ташуучу унаа. Архив - Sputnik Кыргызстан
Жазылуу
Май ташуучу унаа оодарылган жерде өрт өчүрүү кызматы нөөмөттө турат

БИШКЕК, 20-июл. — Sputnik. Бишкек — Ош унаа жолунун 507-чакырымында MAN үлгүсүндөгү күйүүчү май ташуучу унаа оодарылганын ӨКМдин маалымат кызматынан билдиришти.

Окуя Ноокен районунун Маданият айылына жакын жерде болгон.

Маалыматка караганда, унаадагы май жолдун жээгиндеги арыкка агып калган.

"Бактыга жараша окуя айылдын ичинде эмес, ээн жерде болгон. Унаадан аккан күйүүчү май арыкка төгүлгөн. Бирок ошол маалда арыкта суу болбогондуктан, күйүүчү май айылга жеткен эмес", — деп айтылат билдирүүдө.

Таш-Көмүр шаарында оор жүк ташуучу МАN унаасы менен Honda Stepwgn жана Honda Odyssey унаалары кагышкан - Sputnik Кыргызстан
Таш-Көмүрдө жүк ташыган автоунаа менен 2 жеңил машина кагышып, 8 адам каза болду
Ошондой эле учурда арыктагы майды башка унаага сордуруп алуу иштери жүрүп жатканын ӨКМден кошумчалашты.

Ушул тапта өрт чыгып кетүү коркунучун алдын алуу максатында ӨКМдин өрт өчүрүү кызматынан эки унаа нөөмөттө турат.

Унаа кулаган аймакка канчалык зыян келгени тууралуу тиешелүү органдардан турган жарандык коргонуу комиссиясы иликтейт.

Жаңылыктар түрмөгү
0