21:40 02 Кулжа 2020
Түз эфир
  • USD73.5222
  • EUR82.1316
  • RUB1.0658
Маданият

Суу бойлоп... Төлөмүш Океев менен Таттыбүбү Турсунбаеванын таберик сүрөтү

Кыскача шилтеме алуу
"Таберик сүрөт" — сейрек кездешкен ирмемдер (103)
533 0 0
КРдин эл артисти, белгилүү режиссёр Төлөмүш Океев менен СССРдин эмгек сиңирген артисти, атактуу актриса Таттыбүбү Турсунбаева, 1975-жыл.  Фрунзе шаары
© Фото / Александр Федоров

КРдин эл артисти, белгилүү режиссёр Төлөмүш Океев менен СССРдин эмгек сиңирген артисти, атактуу актриса Таттыбүбү Турсунбаеванын сүрөтү 1975-жылы Фрунзе шаарында тартылган.

Ал жылы Океев жазуучу Чыңгыз Айтматовдун чыгармасынын негизинде "Кызыл алма" тасмасын тарткан. Ал эмгекти жаратууга Сүймөнкул Чокморов, Сабира Күмүшалиева, Алиман Жангорозова, Гүлсара Ажибекова, Арсен Умуралиев, Чоро Думанаев катышкан.

Ошол кезеңди Таттыбүбү Турсунбаеванын кызы Асел Эшимбекова мындайча эскерет:

"Чыгармачылыкта апам менен Төлөмүш агай өтө жакшы мамиледе болушкан. Сүрөттөгү залкар режиссёр жөнүндө айтсам, ал киши мени өз кызындай көрүп, роль жаратууга, кино тармагына аралашуума чоң жардам берген. Үй-бүлөсү менен чогуу Грузия, Россияга чейин барып фестивалдарга катышып жүрдүк. Апам азыркыга чейин көпчүлүктүн эсинде, ал жашоодо аябай ак көңүл, мыкты эне жана жар болуп, айланасындагыларга да сонун мамиле жасачу. Апамды эстегенде жакшы ирмемдер эске түшүп, көз алдыма тартылат. Экөө тең өз заманынын таланттуу инсандарынан боло алышты. Кийин мен дагы апамдын жолун жолдоп, режиссёр Төлөмүш Океевдин "Сүйүү закымдары" тасмасына тартылып калдым", — деди Эшимбекова.

Океевдин "Кызыл алма" тасмасы ошол эле жылы көрүүчүлөргө сунушталып, IX Москва эл аралык кинофестивалын ачып, Швейцария, Индия, Францияда сыйлыктарга татыган.

Тема:
"Таберик сүрөт" — сейрек кездешкен ирмемдер (103)

Тема боюнча

Арыз-муңузбузду Айтматовго айтчубуз. "Ак кемедеги" залкарлардын таберик сүрөтү
Тасмаларына илимий мамиле жасачу. Убукеевдин "Манас ааламынан" таберик сүрөт
"Кыргыз кереметин" жараткан залкарлар эс алууда. Таберик сүрөт
Белгилер:
таберик сүрөт, "Кызыл алма" тасмасы, Таттыбүбү Турсунбаева, Төлөмүш Океев, Кыргызстан

Дагы инфографика

ЭҢ МААНИЛҮҮ