13:54 12 Жетинин айы 2019
Түз эфир
  • USD69.8426
  • EUR77.0294
  • RUB1.0928
Маданият

Чарчаган Шамшиевдин жанындагы суйкайган Темирова. "Ак кемедеги" таберик сүрөт

Кыскача шилтеме алуу
"Таберик сүрөт" — сейрек кездешкен ирмемдер (83)
973 0 0
Атактуу режиссер Болот Шамшиев менен актриса Айтурган Темированын сүрөтү 1975-жылы Ысык-Көл облусунда тартылган.
© Фото / Александр Федоров

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.

Атактуу режиссер Болот Шамшиев менен актриса Айтурган Темированын сүрөтү 1975-жылы Ысык-Көл облусунда тартылган.

Ошол жылы Чыңгыз Айтматовдун чыгармасынын негизинде "Ак кеме" тасмасы жаралган.

СССРдин эл артисти Болот Шамшиев ал кезеңди мындайча эскерет.

"Тасманы жайында баштап, кышында соңуна чыгарганбыз. Сүрөт тартылган маалда чыгармачыл топ Ысык-Көлдүн күнгөй жээгиндеги Чоң-Ак-Суу капчыгайында иштеген. Ал кезде Айтурган экөөбүз жаш болуп, колубузда беш айлык тун кызыбыз да бар болчу. Ага карабай биз тоонун башында жүрүп күнү-түнү тасма тартканбыз, ал күндөр жеңил болгон эмес. Келинчегим болсо актриса катары роль жараткан. Мен режиссер катары тасмага катышкан инсандарды өзүм тандагам. Ошол кезде Сабира Күмүшалиева, Даркүл Күйүкова, Орозбек Кутманалиев, Асанкул Куттубаев менен иштешип, аларды тартып калганыма сыймыктанам", — деди Шамшиев.

Тасма кийинки жылы көрүүчүлөргө сунушталып жакшы кабыл алынып, ошол эле жылы Фрунзеде өткөн Бүткүл союздук IX кинофестивалда баш байгеге татыган.

Тема:
"Таберик сүрөт" — сейрек кездешкен ирмемдер (83)

Тема боюнча

Ыйлаган Жумадыловду жөлөгөн Кутманалиев. "Көздүн карегиндеги" таберик сүрөт
Усубалиевди тынчсыздандырган Фрунзедеги фестиваль. Таберик сүрөт
Белгилер:
таберик сүрөт, Айтурган Темирова, Болот Шамшиев, "Ак кеме" тасмасы, Кыргызстан

Дагы инфографика

ЭҢ МААНИЛҮҮ