БИШКЕК, 7-дек. — Sputnik. Түштүк Кореянын Чежу аралында адамзаттын материалдык эмес маданий мурастарын коргоо боюнча өкмөттөр аралык комитеттин 12-сессиясы өтүп жатат. Жыйын 4-декабрда башталып 8не чейин уланат.
Бүгүн эртең менен улуттук көк бөрү оюну ЮНЕСКОнун материалдык эмес маданий мурастар тизмесине Кыргызстандын атынан катталды. Жыйында ар мамлекеттен жиберилген жалпы 34 арыз каралат. Учурда анын 27си комиссиянын кароосунан өттү.
Sputnik Кыргызстан агенттиги коңшу мамлекеттердин кайсы мурастары ЮНЕСКОго катталганына баам салды.
Уюмдун расмий сайтында жарыяланган маалыматка ылайык, Казакстандын "Асык оюны" (чүкө) салттык оюну, Азербайжандын "Долма" деп аталган улуттук тамагы, Армениянын "Кочари" деген улуттук бийи, Түркиянын ышкырык аркылуу сүйлөшүү өнөрү жана Монголиянын ыйык жерлерге сыйынуу боюнча салттык монгол жөрөлгөсү адамзаттын материалдык эмес маданий мурастар тизмесине киргизилген.
Кыргызстандын маданий мурастары
