БИШКЕК, 14-ноя. — Sputnik. Борбор калаада СССРдин жана Кыргыз ССРинин эл артисти Сайра Кийизбаеванын 100 жылдыгына карата эскерүү кечеси өткөрүлөт. Бул туурасында Маданият, маалымат жана туризм министрлиги билдирди.
7 Жетинин айы 2017, 11:46
Иш-чара Абдылас Малдыбаев атындагы Кыргыз улуттук академиялык опера жана балет театрында 15-ноябрь күнү саат 18.00дө башталат.
Сайра Кийизбаева 1917-жылы 7-ноябрда Чүй облусунун Төкөлдөш айылында дыйкандын үй-бүлөсүндө жарык дүйнөгө келген. Төкөлдөштүн төрт кызынын бири мектепти аяктагандан кийин 1931-жылы Фрунзедеги кыз-келиндердин педагогикалык техникумуна тапшырат. Студент кезинде Бүткүл кыргыз элинин чыгармачылык олимпиадасына катышып үнү менен өзгөчөлөнүп, театрга жумушка алынган.
СССРдин эл артисти Кыргызстанда биринчилерден болуп дүйнөлүк операларды аткарган.
