1,5 млн долларга мыкты тасма тартышты. Токаев кыргыз киносуна суктанды

© Sputnik / Григорий Сысоев / Медиабанкка өтүүПрезидент РФ В. Путин принимает участие в заседании Совета глав государств – членов ШОС в Бишкеке
Президент РФ В. Путин принимает участие в заседании Совета глав государств – членов ШОС в Бишкеке - Sputnik Кыргызстан
Жазылуу
Президент тилди жаңы муунга үйрөтүүдө кинематографтын ролу чоң экенин айтып, кыргыз режиссеру тарткан "Курманжан датка" тасмасы купулуна толорун жашырган жок.

БИШКЕК, 25-июн. — Sputnik. Кыргыз кинематографисттери 1,5 миллион долларга эле өтө маанилүү жана кызыктуу "Курманжан датка" тасмасын тарта алышты. Мындай пикирин Казакстандын президенти Касым-Жомарт Токаев казак тилин өнүктүрүү тууралуу "Ана тілі" ("Эне тили") гезитине маек берип жатып айтты.

Президент тилди өнүктүрүү боюнча коңшу мамлекеттерден үлгү катары ала турган нерселер көп экенине токтолду.

"Тилди жаңы муунга үйрөтүүдө кинематографтын ролу чоң. Мисалы, кыргызстандык кинематографисттер болгону 1,5 миллион долларга эле өтө маанилүү жана кызыктуу "Курманжан датка" тасмасын тартышты. Биздин кинематографисттер андан ого эле көп акча сурашат. Тилекке каршы, тасманын сапаты дайым эле каалагандай боло бербейт. Биздин кинематографисттер ички пикир келишпестикке кирип алып, бул нерсе жемиштүү иштөөгө терс таасир этип жатат", — деди Токаев.

Мирбек Атабековдун Мурасын дал өзүндөй аткарган россиялык ырчы кыз. Видео - Sputnik Кыргызстан
Мирбек Атабековдун "Мурасын" дал өзүндөй аткарган россиялык ырчы кыз. Видео
"Курманжан датка" — кыргыз өкмөтү тарабынан демилгеленген жана каржыланган алгачкы көркөм, тарыхый, биографиялык тасма. Режиссеру — Садык Шер-Нияз. Тасманын дүйнөлүк бет ачары 2014-жылы 22-августта Монреаль кинофестивалында болгон. Коомчулукка 2014-жылдын 31-августунда, Кыргызстандын эгемендүүлүк күнүнө карата көрсөтүлгөн. Кыргызстандын атынан "Оскар" сыйлыгынын "Чет тилдеги мыкты тасма" номинациясына сунушталган.

Жаңылыктар түрмөгү
0