БИШКЕК, 8-авг. — Sputnik. Жалал-Абад облусуна караштуу Майлы-Суу шаарынын прокуратурасы 275 миллион 753 миң 195 сомго бааланган жер участогун мамлекетке кайтарды. Бул тууралуу Башкы прокуратура билдирди.
Маалыматка караганда, прокурордук текшерүү учурунда 2010-жылы шаар мэриясынын токтому менен Майлы-Суу лампа заводуна мыйзамсыз негизде 30 460,0 чарчы метрлик жер аянты берилип кеткени аныкталган.
Мамлекетке жерди кайтаруу максатында шаар прокуратурасы сотко арыз менен кайрылып, натыйжада сот арызды канааттандырган.