https://sputnik.kg/20220618/prezidenttin-zher-tilkelerin-myyzamdashtyruu-tartibin-tyshyndyrdy-1065373762.html
Президенттин администрациясы жер тилкелерин мыйзамдаштыруунун тартибин түшүндүрдү
Президенттин администрациясы жер тилкелерин мыйзамдаштыруунун тартибин түшүндүрдү
Sputnik Кыргызстан
Садыр Жапаров 2022-жылдын 1-апрелине чейин жер тилкелери мыйзамдаштырыларын айткан. Бирок айыл чарба министри күзгө чейин убакыт керек экенин билдирген. 18.06.2022, Sputnik Кыргызстан
2022-06-18T23:42+0600
2022-06-18T23:42+0600
2022-06-18T23:58+0600
кыргызстан
жер
участок
мыйзамдаштыруу
жобо
https://sputnik.kg/img/07e5/06/1e/1053054116_431:393:3124:1908_1920x0_80_0_0_db1d9935d9ed5a2a2a03135346fbc75f.jpg
БИШКЕК, 18-июн. — Sputnik. Президенттин маалымат кызматы Кыргызстандагы жер тилкелерин мыйзамдаштыруунун тартиби боюнча маалымат берди.Садыр Жапаров 2021-жылдын 22-ноябрында Чүй облусунун тургундары менен жолугушуу учурунда бардык жарандарга 2022-жылдын 1-апрелине чейин жер участокторун мыйзамдаштырып, укук күбөлөндүрүүчү документтерин берүү боюнча тапшырма берген. Бирок июнь айында Айыл чарба министрлиги бул ишти күзүндө гана бүтүрүүгө мүмкүн экенин кабарлаган.Бүгүнкү күндө мыйзамсыз жеке турак үйлөр жана пайдубалы курулуп калган 142 337 жер тилкеси аныкталды. Учурда 28 миңден ашуун жаранга техникалык паспорт берилди. Жогорку Кеңеш “Жер укуктук мамилелерди жөнгө салуу жѳнүндѳ” мыйзамды 2022-жылдын 17-мартында кабыл алып, 5-апрелде күчүнѳ кирген. Документке ылайык, болжол менен 29 872 гектар жер трансформацияланат. Министрлер кабинети “Жер мунапысын ѳткѳрүү тартиби жѳнүндѳ” жобону бекиткен.Учурда шаарлардын мэрияларында жана жергиликтүү мамлекеттик администрацияларда атайын комиссиялар түзүлүп, аталган жерлерди дагы бир ирет тактоо жумуштары жүрүп жатат. Жобого ылайык, жарандар райондук, шаардык комиссияга керектүү документтерин тапшырып кайрылгандан кийин комиссия 30 күн ичинде алардын тизмесин топтойт. Документ топтолгондон бир ай өткөндөн кийин менчик ээсин тактоо максатында 30 күнгѳ чейинки убакытта коомдук билдирүүгѳ чыгарат жана атайын такталарда документ берген жарандардын тизмесин илет. Эгер ушул аралыкта комиссияга сунуш-пикирлер түшпөсө, комиссия отурум өткөрүп, жогоруда белгиленген тизмеде бекитет жана айыл өкмөттөргө, мэрияга жиберет. Айыл өкмөттөр жана шаар мэриялары бекитилген тизмедеги жарандарга чечим чыгарып, жергиликтүү каттоо кызматына жөнөтөт. Андан соң жарандар барып, жергиликтүү каттоо кызматынан тиешелүү документин ала алышат. Бул норма азыр иштеп баштады.Ошондой эле тиешелүү министрлик тарабынан учурда атайын топ түзүлүп, жериндеги адистерди, комиссия мүчөлөрүн окутуу иштери жүрүүдө.Белгилей кетчү жагдай, бул мыйзамга ылайык санитардык нормаларга туура келбеген, газ түтүктөрү өткөн, таштанды полигондор менен мүрзөлөрдүн жанындагы, электр чубалгыларынын алдындагы жерлер жөнгө салынбайт.
https://sputnik.kg/20220608/kyrgyzstan-uzakonenie-uchastki-minselhoz-1065036394.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жер, участок, мыйзамдаштыруу, жобо
кыргызстан, жер, участок, мыйзамдаштыруу, жобо
Президенттин администрациясы жер тилкелерин мыйзамдаштыруунун тартибин түшүндүрдү
23:42 18.06.2022 (Жаңыртылды: 23:58 18.06.2022) Садыр Жапаров 2022-жылдын 1-апрелине чейин жер тилкелери мыйзамдаштырыларын айткан. Бирок айыл чарба министри күзгө чейин убакыт керек экенин билдирген.
БИШКЕК, 18-июн. — Sputnik. Президенттин маалымат кызматы Кыргызстандагы жер тилкелерин мыйзамдаштыруунун тартиби боюнча маалымат берди.
Садыр Жапаров 2021-жылдын 22-ноябрында Чүй облусунун тургундары менен жолугушуу учурунда бардык жарандарга 2022-жылдын 1-апрелине чейин жер участокторун мыйзамдаштырып, укук күбөлөндүрүүчү документтерин берүү боюнча тапшырма берген. Бирок июнь айында Айыл чарба министрлиги бул ишти күзүндө гана бүтүрүүгө мүмкүн экенин кабарлаган.
“Бир нече жыл аралыгында топтолгон көйгөйдү чечүүгө убакыт талап кылынууда. Учурда бул маселени чечүүгө керектүү укуктук ченемдик актылар кабыл алынганын эске алуу менен жарандарды сабырдуулукка чакырабыз”, — деди администрациядан.
Бүгүнкү күндө мыйзамсыз жеке турак үйлөр жана пайдубалы курулуп калган 142 337 жер тилкеси аныкталды. Учурда 28 миңден ашуун жаранга техникалык паспорт берилди. Жогорку Кеңеш “Жер укуктук мамилелерди жөнгө салуу жѳнүндѳ” мыйзамды 2022-жылдын 17-мартында кабыл алып, 5-апрелде күчүнѳ кирген. Документке ылайык, болжол менен 29 872 гектар жер трансформацияланат. Министрлер кабинети “Жер мунапысын ѳткѳрүү тартиби жѳнүндѳ” жобону бекиткен.
Учурда шаарлардын мэрияларында жана жергиликтүү мамлекеттик администрацияларда атайын комиссиялар түзүлүп, аталган жерлерди дагы бир ирет тактоо жумуштары жүрүп жатат. Жобого ылайык, жарандар райондук, шаардык комиссияга керектүү документтерин тапшырып кайрылгандан кийин комиссия 30 күн ичинде алардын тизмесин топтойт. Документ топтолгондон бир ай өткөндөн кийин менчик ээсин тактоо максатында 30 күнгѳ чейинки убакытта коомдук билдирүүгѳ чыгарат жана атайын такталарда документ берген жарандардын тизмесин илет. Эгер ушул аралыкта комиссияга сунуш-пикирлер түшпөсө, комиссия отурум өткөрүп, жогоруда белгиленген тизмеде бекитет жана айыл өкмөттөргө, мэрияга жиберет. Айыл өкмөттөр жана шаар мэриялары бекитилген тизмедеги жарандарга чечим чыгарып, жергиликтүү каттоо кызматына жөнөтөт. Андан соң жарандар барып, жергиликтүү каттоо кызматынан тиешелүү документин ала алышат. Бул норма азыр иштеп баштады.
Ошондой эле тиешелүү министрлик тарабынан учурда атайын топ түзүлүп, жериндеги адистерди, комиссия мүчөлөрүн окутуу иштери жүрүүдө.
Белгилей кетчү жагдай, бул мыйзамга ылайык санитардык нормаларга туура келбеген, газ түтүктөрү өткөн, таштанды полигондор менен мүрзөлөрдүн жанындагы, электр чубалгыларынын алдындагы жерлер жөнгө салынбайт.
