БИШКЕК, 26-ноя. — Sputnik. Премьер-министр Мухаммедкалый Абылгазиев 27-ноябрда өтө турган Евразия өкмөттөр аралык кеңешинин (ЕӨАК) кезектеги жыйынына катышуу үчүн Минск шаарына барды. Бул тууралуу өкмөттүн маалымат кызматы билдирди.
Жыйындын катышуучулары Евразия экономикалык бирлигине мүчө-мамлекеттердин кызматташтыгын мындан ары тереңдетүү маселелерин карашмакчы.
Мындан тышкары, иш сапар алкагында өкмөт башчы Мухаммедкалый Абылгазиев Минск шаарындагы Чыңгыз Айтматов атындагы парктын ачылышына катышат.
Буга катар премьер-министр Белорус жогорку технологиялар паркына, "Беларусь ГС1" Автоматтык идентификатташтыруу ассоциациясына, "Великий камень" индустриалдык паркына жана агрокомбинатка барат.
Премьер-министрди онго жакын аткаминер коштоп кетти. Арасында депутаттар дагы бар.