Чынгыз Айтматовдун 90 жылдыгына карата "Кыргыз фильм" киностудиясынын планында бир толук метраждуу көркөм тасма, бир толук метраждуу даректүү тасма жана бир кыска метраждуу даректүү тасма тартуу каралган. Бул тууралуу Айсулуу Субаналиева Sputnik Кыргызстан радиосунун таңкы эфиринде маек куруп жатып билдирди.
Анын айтымында, "Ак кеме" киносунун негизинде жаңы тасма тартылууда.
"Чынгыз Айтматовдун 90 жылдыгына карата "Кыргызфильм" киностудиясынын планында үч тасма тартуу каралган. Толук метраждуу тасма болуп "Ак кеме" тасмасынын негизинде "Шамбала" аттуу кино тартылууда. Тасманын тартууга белгилүү режиссёр Артык Сүйүндүков агай бел байлап, ушул тапта тартуу иштери уланууда. Андан сырткары, жай мезгилинде да Чыңгыз Айтматовдун элесине арналып, Россия кино күндөрү өткөн. Аталган жумалыктын бет ачар тасмасы болуп "Биринчи мугалим" көрсөтүлгөн", — деди Субаналиева.
Ал, мындан сырткары, залкар жазуучунун 90 жылдыгына карата 25-октябрда "Үмүт" жаш режиссёрлор форуму башталарын кошумчалады.
