Октябрдан тарта Кыргызстанда пенсия жогорулады. Кошулган акчанын көлөмү

© Sputnik / Табылды КадырбековКалькулятор жана акча каражаттары. Архив
Калькулятор жана акча каражаттары. Архив - Sputnik Кыргызстан
Жазылуу
Өлкөдөгү 648 миң кишинин пенсиясын жогорулатууга 744,4 млн сом керектелет.

БИШКЕК, 1-окт. — Sputnik. Кыргызстанда 1-октябрдан тарта пенсиянын көлөмү жогорулатылганын өкмөттүн маалымат кызматы кабарлады.

"Мамлекеттик пенсиялык социалдык камсыздандыруу жөнүндөгү" мыйзамга ылайык, пенсияларды индексациялоо жыл сайын Социалдык фондунун бюджетинде каралган каражаттардын чегинде жүргүзүлөт. Тийиштүү чечимге премьер Мухаммедкалый Абылгазиев кол койгон.

Вокзалдагы мигранттар. Архив - Sputnik Кыргызстан
Чет жактагы эмгек мигранттары кийин пенсия ала алабы? Жол-жобосу
Ага ылайык 1 780 сом көлөмүндө белгиленген пенсиянын базалык бөлүгү 100 сомго жогорулайт. Ал эми жалпы өлчөмү 4 393 сомго чейинки пенсиялар үчүн 250 сом, 4394 сомдон жогоркуларга 370 сомдон кем эмес акча кошулат.

Жогоруда аталган токтомдордун жыйынтыгы боюнча 4393 сомго чейин пенсия минималдуу түрдө 350 сомго жогорулайт.

Кайра эсептөөнүн жыйынтыгында республика боюнча пенсиянын орточо көлөмү 378 сомго көбөйүп, 5682 сомду түзөт. Ошол эле учурда пенсиялардын жана киргизилген камсыздандыруу төлөмдөрүнүн көлөмүнө жараша пенсиялардын камсыздандыруу бөлүгү 7,1-18 пайызга чейин көбөйөт. Тагыраагы пенсиялардын камсыздандыруу бөлүгү орто эсеп менен 10,4 пайызды түзөт.

Муну менен өлкөдөгү 648 миң кишинин пенсиясын жогорулатууга 744,4 миллион сом керектелет. Анын ичинде республикалык бюджеттин эсебинен пенсиянын базалык бөлүгүнө 73 миллион сом, Пенсиялык фонддон 671,4 миллион сом бөлүнөт.

Жаңылыктар түрмөгү
0