https://sputnik.kg/20261106/maldy-uydo-soyuu-kooptuubu-1104750767.html
Малды үй шартында союу эмне үчүн кооптуу болуп калды? Түшүндүрмө
Малды үй шартында союу эмне үчүн кооптуу болуп калды? Түшүндүрмө
Sputnik Кыргызстан
БИШКЕК, 6-ноя. — Sputnik. Малды үй шартында союп, анын боорун жана өпкөсүн иттерге берүү адамдын эхинококкоз жана альвеококкоз ооруларына чалдыгуу коркунучун... 06.11.2026, Sputnik Кыргызстан
2026-11-06T12:22+0600
2026-11-06T12:22+0600
2026-11-06T12:23+0600
кыргызстан
мал союу
эхинококкоз
альвеококкоз
оору
маалымат борбор
https://sputnik.kg/img/07e8/05/11/1085216980_0:159:3077:1889_1920x0_80_0_0_19ec65a9557b00239913e6ef2d81c275.jpg
БИШКЕК, 6-ноя. — Sputnik. Малды үй шартында союп, анын боорун жана өпкөсүн иттерге берүү адамдын эхинококкоз жана альвеококкоз ооруларына чалдыгуу коркунучун жогорулатат. Бул тууралуу Кыргыз илимий-изилдөө институтунун улук илимий кызматкери Максат Ахмеджанов Sputnik агенттигинин маалымат борборунда билдирди. Анын айтымында, малдын боорунда жана өпкөсүндө мите курттардын личинкалары бар ыйлаакчалар болушу мүмкүн. Мындай органдарды көөмп салбастан, иттерге берип койгон учурлар арбын. Иттин организмине түшкөн мителер чоңоюп, кийин жумурткаларын заң аркылуу сыртка чыгарат. Алар короого, бакчага түшүп, андан адамдын колуна жана организмине өтүшү мүмкүн. Натыйжада адам эхинококкоз же альвеококкоз илдетине кабылат. Окумуштуунун айтымында, бул ооруларды алгачкы баскычында аныктоо кыйын. Көп учурда бейтап боорунун 50 пайызы же андан көбү жабыркаганда гана дарыгерге кайрылат. Мындай учурда дарылоонун негизги жолу — операция. Анда боордун жарымын же андан көбүн алып салууга туура келиши мүмкүн. Эгер мите курттар жайгашкан ыйлаакчалар жарылып кетсе, личинкалар башка органдарга өтүп, көбөйүшү ыктымал. Убагында аныкталып, дарыланбаса оору өлүмгө да алып келиши мүмкүн. Максат Ахмеджанов малды атайын мал союучу жайларда союуну сунуштайт. Анткени ал жерлерде ветеринарлар иштеп, мите курттар менен жабыркаган органдарды дароо жок кылышат. Ошондой эле иттерге жылына бир-эки жолу мите курттарга каршы дары берүү зарыл. Окумуштуунун сөзүнө караганда, мындай алдын алуу иштери башталгандан кийин Кыргызстанда оорулардын саны азайган.
https://sputnik.kg/20261106/ahmedjanov-mal-oorularyn-anyktoo-test-toptoomdor-pcr-ifa-1104749733.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, мал союу, эхинококкоз, альвеококкоз, оору
кыргызстан, мал союу, эхинококкоз, альвеококкоз, оору
БИШКЕК, 6-ноя. — Sputnik. Малды үй шартында союп, анын боорун жана өпкөсүн иттерге берүү адамдын эхинококкоз жана альвеококкоз ооруларына чалдыгуу коркунучун жогорулатат. Бул тууралуу Кыргыз илимий-изилдөө институтунун улук илимий кызматкери Максат Ахмеджанов Sputnik агенттигинин маалымат борборунда билдирди.
Анын айтымында, малдын боорунда жана өпкөсүндө мите курттардын личинкалары бар ыйлаакчалар болушу мүмкүн. Мындай органдарды көөмп салбастан, иттерге берип койгон учурлар арбын.
Иттин организмине түшкөн мителер чоңоюп, кийин жумурткаларын заң аркылуу сыртка чыгарат. Алар короого, бакчага түшүп, андан адамдын колуна жана организмине өтүшү мүмкүн. Натыйжада адам эхинококкоз же альвеококкоз илдетине кабылат.
Окумуштуунун айтымында, бул ооруларды алгачкы баскычында аныктоо кыйын. Көп учурда бейтап боорунун 50 пайызы же андан көбү жабыркаганда гана дарыгерге кайрылат. Мындай учурда дарылоонун негизги жолу — операция. Анда боордун жарымын же андан көбүн алып салууга туура келиши мүмкүн.
Эгер мите курттар жайгашкан ыйлаакчалар жарылып кетсе, личинкалар башка органдарга өтүп, көбөйүшү ыктымал. Убагында аныкталып, дарыланбаса оору өлүмгө да алып келиши мүмкүн.
Максат Ахмеджанов малды атайын мал союучу жайларда союуну сунуштайт. Анткени ал жерлерде ветеринарлар иштеп, мите курттар менен жабыркаган органдарды дароо жок кылышат.
Ошондой эле иттерге жылына бир-эки жолу мите курттарга каршы дары берүү зарыл. Окумуштуунун сөзүнө караганда, мындай алдын алуу иштери башталгандан кийин Кыргызстанда оорулардын саны азайган.
