Кызыл армиянын Польшадагы боштондук жүрүшү кантип аяктаган. Видео
20:37 05.10.2026 (Жаңыртылды: 09:38 06.10.2026)
© Sputnik / Анатолий Морозов
Жазылуу
БИШКЕК, 5-окт. — Sputnik. 1939-жылдын 5-октябрында Кызыл армиянын Польшадагы боштондук жүрүшү аяктаган. Анын кандай өткөнү тууралуу @Sputniklive айтып берет.
Советтик армиянын Польшадагы боштондук жүрүшү 1939-жылдын 17-сентябрында башталган. Кызыл армияга Батыш Беларусь менен Украинанын тургундарын Польшанын эзүүсүнөн бошотуу милдети коюлган;
1921-жылдагы Рига тынчтык келишими боюнча Беларусь экиге бөлүнгөн. Үч миллионго жакын калкы бар батыш бөлүгү Польшага өткөн. Беларусь ССРинин курамында мурдагы Минск губерниясынын 1,5 миллиондон бир аз ашык калкы бар уезддери калган;
20-сентябрга карата Беларусь фронтунун аскерлери Вильно-Кобрин тилкесине жеткен. Ал эми 21-23-сентябрда Украина фронтунун жоокерлери Батыш Украинаны ээлеген. Жергиликтүү тургундар кызыл аскерлерди боштондук алып келгендер катары тосуп алышкан. Ага чейин бул аймактарда Польшанын катаал ассимиляция саясаты жүргүзүлгөн. Мисалы, беларус элине эне тилинде сүйлөөгө тыюу салынып, улуттук театрлар, мектептер жана гезиттер жабылган;
Польша армиясынын жүз миңдеген жоокери менен офицери Кызыл армияга туткунга түшкөн. Советтер Союзу тараптан 1475 жоокер жана командир набыт болгон. Ворошилов 7-ноябрда Кызыл аянттагы парадда сүйлөп жатып, "Кызыл армиянын бөлүктөрү өз милдетин салыштырмалуу оңой аткарды. Бир нече күндүн ичинде Батыш Украина жана Батыш Беларусь Польшанын аскерлеринен толугу менен тазаланды" деген;
22-октябрда Батыш Украина менен Батыш Беларустун Элдик жыйындарына шайлоо өтүп, андан кийин депутаттар Польшанын мурдагы аймактарында совет бийлиги орногонун жарыялашкан. 1939-жылдын 1-2-ноябрында Батыш Украина жана Батыш Беларусь расмий түрдө СССРдин курамына кирген.
