https://sputnik.kg/20260703/kyrgyzstan-tamchy-atayyn-aymagy-achyldy-1102223357.html
Кыргызстанда "Тамчы" финансы-инвестициялык атайын аймак ачылды. Видео
Кыргызстанда "Тамчы" финансы-инвестициялык атайын аймак ачылды. Видео
Sputnik Кыргызстан
ТАМЧЫ, 3-июл. — Sputnik. Ысык-Көлдүн Тамчы айылында "Тамчы" атайын финансылык-инвестициялык аймагы (АФИА) расмий ачылды. 03.07.2026, Sputnik Кыргызстан
2026-07-03T17:30+0600
2026-07-03T17:30+0600
2026-07-03T17:43+0600
кыргызстан
тамчы
инвестициялар
экономика
долбоор
садыр жапаров
https://sputnik.kg/img/07ea/07/03/1102223176_0:120:1280:840_1920x0_80_0_0_b12337c06d4f7ee64e6a317f20bf8e2d.jpg
ТАМЧЫ, 3-июл. — Sputnik. Ысык-Көлдүн Тамчы айылында "Тамчы" атайын финансылык-инвестициялык аймагы (АФИА) расмий ачылды. Иш-чарага президент Садыр Жапаров катышып, аймактын алгачкы беш резидентине сертификат тапшырды. Бул кадам жаңы финансылык борбордун операциялык ишмердүүлүгү башталганын билдирет. Ачылыш аземинде мамлекет башчысы долбоор акыркы беш жылдан бери иликтенип, дүйнөлүк мыкты тажрыйбалардын негизинде даярдалганын белгиледи. Анын айтымында, борбордо заманбап банктык, инвестициялык, брокердик жана санариптик финансылык кызматтарды көрсөтүү үчүн жаңы шарттар түзүлөт. Президенттин айтымында, мындай кадам аймактын башкы атаандаштык артыкчылыгына айланат. Долбоор акырындык менен өнүгүү темпине чыгып, 2035-жылга чейин бул жерде 3 900дөн ашуун резидент компания иш жүргүзөт жана 10 миңден ашык жаңы жумуш орду түзүлөт. Бул долбоордун аркасы менен курулуш, тейлөө, транспорт, мейманкана жана ресторан тармагы жанданып, жергиликтүү фермерлердин продукциясына суроо-талап өсөт. Ошону менен бирге аймакты өнүктүрүүдө Ысык-Көлдүн экосистемасын сактоо жана экологиялык талаптарды так аткаруу башкы шарт болуп саналарын президент баса белгилеп өттү. Расмий маалыматка ылайык, "Тамчы" АФИАсы Ысык-Көлдүн жээгинде, болжол менен 6 миң гектар жерде жайгашат. Жаңы финансылык борбордун концепциясы боюнча резиденттер үчүн төмөнкүдөй өзгөчө шарттар каралган: Учурда аймакты башкаруучу компания ишин баштап, алгачкы инфраструктуралык объект — бизнес-борбор пайдаланууга берилди. Ошондой эле эл аралык арбитраждык жана укуктук инфраструктураны түзүү иштери кызуу жүрүүдө. "Тамчы" АФИАсынын башкаруучу кеңешинин курамына төмөнкүлөр кирди:Башкаруучу компаниянын жетекчилигине Талантбек Иманов дайындалды. Ал буга чейин Инвестиция боюнча мамлекеттик агенттик менен Санарип министрлигин жетектеген, учурда Караколдун мэри."Тамчы" АФИАсы Кыргызстанды ачык, заманбап стандарттар менен иштөөгө даяр өлкө катары таанытып, аны регионалдык финансылык жана инвестициялык хабга айлантууга багытталган ири стратегиялык долбоор болуп эсептелет.
https://sputnik.kg/20260702/sadyr-zhaparov-asma-zhol-ishke-kirgizdi-1102204112.html
тамчы
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, тамчы, инвестициялар, экономика, долбоор, садыр жапаров
кыргызстан, тамчы, инвестициялар, экономика, долбоор, садыр жапаров
ТАМЧЫ, 3-июл. — Sputnik. Ысык-Көлдүн Тамчы айылында "Тамчы" атайын финансылык-инвестициялык аймагы (АФИА) расмий ачылды.
Иш-чарага президент Садыр Жапаров катышып, аймактын алгачкы беш резидентине сертификат тапшырды. Бул кадам жаңы финансылык борбордун операциялык ишмердүүлүгү башталганын билдирет.
Ачылыш аземинде мамлекет башчысы долбоор акыркы беш жылдан бери иликтенип, дүйнөлүк мыкты тажрыйбалардын негизинде даярдалганын белгиледи. Анын айтымында, борбордо заманбап банктык, инвестициялык, брокердик жана санариптик финансылык кызматтарды көрсөтүү үчүн жаңы шарттар түзүлөт.
"Тамчы" атайын финансылык-инвестициялык аймагында коммерциялык жана инвестициялык талаштарды калыс кароого багытталган бейтарап, ишенимдүү жана эл аралык деңгээлде таанылган англиялык жалпы укуктун негизинде иштеген эл аралык борбордун түзүлүшү чоң мааниге ээ", — деди Жапаров.
Президенттин айтымында, мындай кадам аймактын башкы атаандаштык артыкчылыгына айланат. Долбоор акырындык менен өнүгүү темпине чыгып, 2035-жылга чейин бул жерде 3 900дөн ашуун резидент компания иш жүргүзөт жана 10 миңден ашык жаңы жумуш орду түзүлөт. Бул долбоордун аркасы менен курулуш, тейлөө, транспорт, мейманкана жана ресторан тармагы жанданып, жергиликтүү фермерлердин продукциясына суроо-талап өсөт. Ошону менен бирге аймакты өнүктүрүүдө Ысык-Көлдүн экосистемасын сактоо жана экологиялык талаптарды так аткаруу башкы шарт болуп саналарын президент баса белгилеп өттү.
Расмий маалыматка ылайык, "Тамчы" АФИАсы Ысык-Көлдүн жээгинде, болжол менен 6 миң гектар жерде жайгашат. Жаңы финансылык борбордун концепциясы боюнча резиденттер үчүн төмөнкүдөй өзгөчө шарттар каралган:
англиялык жалпы укук (Common Law) принциптерин колдонуу;
49 жылга нөлдүк салык режими;
табылган пайда каражаттарын толук репатриациялоо (чектөөсүз сыртка чыгаруу) мүмкүнчүлүгү.
Учурда аймакты башкаруучу компания ишин баштап, алгачкы инфраструктуралык объект — бизнес-борбор пайдаланууга берилди. Ошондой эле эл аралык арбитраждык жана укуктук инфраструктураны түзүү иштери кызуу жүрүүдө.
"Тамчы" АФИАсынын башкаруучу кеңешинин курамына төмөнкүлөр кирди:
төрагасы — юстиция министри Аяз Баетов;
төраганын орун басары — экономика жана коммерция министри Бакыт Сыдыков;
төраганын орун басары — Makara Capital компаниясынын башкы директору, глобалдуу активдерди башкарууда 20 жылдык тажрыйбасы бар эл аралык эксперт, Morgan Stanley, The Carlyle Group, Goldman Sachs жана Дүйнөлүк банкта иштеген Али Иджаз Ахмад.
Башкаруучу компаниянын жетекчилигине Талантбек Иманов дайындалды. Ал буга чейин Инвестиция боюнча мамлекеттик агенттик менен Санарип министрлигин жетектеген, учурда Караколдун мэри.
"Тамчы" АФИАсы Кыргызстанды ачык, заманбап стандарттар менен иштөөгө даяр өлкө катары таанытып, аны регионалдык финансылык жана инвестициялык хабга айлантууга багытталган ири стратегиялык долбоор болуп эсептелет.
