https://sputnik.kg/20260623/natsizm-boyuncha-chuu-varshavanyn-dushmany-moskva-emes-kiyev-ekenin-korsottu-1102026055.html
Myśl Polska: нацизм боюнча чуу Варшаванын душманы Москва эмес, Киев экенин көрсөттү
Myśl Polska: нацизм боюнча чуу Варшаванын душманы Москва эмес, Киев экенин көрсөттү
Sputnik Кыргызстан
БИШКЕК, 23-июн. — Sputnik. Украина менен Польшанын ортосундагы ОУНдун* (Украиналык улутчулардын уюму) адамдары боюнча чыккан чуу Варшаванын душманы Москва... 23.06.2026, Sputnik Кыргызстан
2026-06-23T11:02+0600
2026-06-23T11:02+0600
2026-06-23T11:02+0600
дүйнөдө
украина
польша
европа
нацизм
владимир зеленский
тирешүү
https://sputnik.kg/img/07e9/08/01/1095641371_0:72:3192:1868_1920x0_80_0_0_c4154064f075db1ea1d034d753e3a57b.jpg
БИШКЕК, 23-июн. — Sputnik. Украина менен Польшанын ортосундагы ОУНдун* (Украиналык улутчулардын уюму) адамдары боюнча чыккан чуу Варшаванын душманы Москва эмес, Киев экенин көрсөттү. Бул туурасында Myśl Polska басылмасы жазды. Макаланын автору белгилегендей, Украинадагы жаңжал эртеби-кечпи, Киевдин жеңилиши менен аяктайт. Муну менен бирге "Польшанын түштүк-чыгыш чек арасында коррупцияга баткан олигархиялык бийлик", ошондой эле жылдызы түшкөн жоокерлерден куралган украин армиясы кала берет. Баяндамачынын пикиринде, мындай шартта Варшава мурдагы кайрымдуулук кылып каралашкан союздаштыктан тез эле Киев бийлигинин курмандыгына айланып калышы мүмкүн. Жума күнү, тагыраагы, 20-июнда, Польша президенти Кароль Навроцкий Владимир Зеленскийди аталган уюмдун аскерлерин даңазалаганы үчүн Ак бүркүт орденинен ажыратты. Ал мындай кадамга жооп кылып, мунун аягы Варшава үчүн жакшылыкка алып барбайт деп кекеткен билдирүү таратты. Зеленскийдин артынан эле аталган наам менен сыйланган Украинанын үч экс-президенти: Леонид Кучма, Виктор Ющенко жана Петр Порошенко** да орденден баш тартышты. Буларга катар эле тышкы иштер министри Андрей Сибига, Зеленскийдин кеңсе башчысы Кирилл Буданов*** жана Украинанын Польшадагы элчиси Василий Бондар ордендин кереги жок экенин айтышкан. Азыркы кайым айтышуу менен тирешүүгө майдын аягында Зеленский Украин улутчулдар уюму менен анын куралдуу бөлүгү Козголоңчулар армиясынын (УПА****) лидерлеринин бири Андрей Мельниктин сөөгүн кайра көмүүгө катышканы себеп болгон. Анысы аз келгенсип, Украина Куралдуу күчтөрүнүн бир бөлүгүнө "УПА баатырларынын атын" ыйгарганы кырдаалды курчуткан. Дал ушул уюмдун колунан миңдеген поляк кырылган. * Россия Федерациясында тыюу салынган террордук уюм ** Росфинмониторинг тарабынан экстремисттик ишмердүүлүккө же террорчулукка тиешеси бар адамдардын тизмесине киргизилген *** Россияда экстремисттер менен террорчулардын тизмесине киргизилген **** Россия Федерациясында экстремисттик деп таанылып, тыюу салынган уюм
https://sputnik.kg/20260622/polsha-ukrainaga-shart-kojdu-1102003586.html
украина
польша
европа
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, украина, польша, европа, нацизм, владимир зеленский, тирешүү
дүйнөдө, украина, польша, европа, нацизм, владимир зеленский, тирешүү
БИШКЕК, 23-июн. — Sputnik. Украина менен Польшанын ортосундагы ОУНдун* (Украиналык улутчулардын уюму) адамдары боюнча чыккан чуу Варшаванын душманы Москва эмес, Киев экенин көрсөттү. Бул туурасында
Myśl Polska басылмасы жазды.
"Украина өзүнүн чечимин чыгарды. Ал россиялыктарга караганда польшалыктар ар дайым башкы душманы болуп келгендигин көрсөттү. Биз бул көрүнүштөн кийин так, айдан ачык жыйынтык чыгардык", — деп айтылат макалада.
Макаланын автору белгилегендей, Украинадагы жаңжал эртеби-кечпи, Киевдин жеңилиши менен аяктайт. Муну менен бирге "Польшанын түштүк-чыгыш чек арасында коррупцияга баткан олигархиялык бийлик", ошондой эле жылдызы түшкөн жоокерлерден куралган украин армиясы кала берет. Баяндамачынын пикиринде, мындай шартта Варшава мурдагы кайрымдуулук кылып каралашкан союздаштыктан тез эле Киев бийлигинин курмандыгына айланып калышы мүмкүн.
"Муну алдын алуунун бирден-бир жолу — өзүнүн мүмкүнчүлүгүн арттырып, тобокелдикти азайтуу. Польша армиясынын Россия менен болгон уламышка айланган согушка даярдоонун ордуна Украина менен чыгып кетчү жаңжалдашууга даяр турганы ылайык болот", — деп айтылган анда.
Жума күнү, тагыраагы, 20-июнда, Польша президенти Кароль Навроцкий Владимир Зеленскийди аталган уюмдун аскерлерин даңазалаганы үчүн Ак бүркүт орденинен ажыратты. Ал мындай кадамга жооп кылып, мунун аягы Варшава үчүн жакшылыкка алып барбайт деп кекеткен билдирүү таратты. Зеленскийдин артынан эле аталган наам менен сыйланган Украинанын үч экс-президенти: Леонид Кучма, Виктор Ющенко жана Петр Порошенко** да орденден баш тартышты. Буларга катар эле тышкы иштер министри Андрей Сибига, Зеленскийдин кеңсе башчысы Кирилл Буданов*** жана Украинанын Польшадагы элчиси Василий Бондар ордендин кереги жок экенин айтышкан.
Азыркы кайым айтышуу менен тирешүүгө майдын аягында Зеленский Украин улутчулдар уюму менен анын куралдуу бөлүгү Козголоңчулар армиясынын (УПА****) лидерлеринин бири Андрей Мельниктин сөөгүн кайра көмүүгө катышканы себеп болгон. Анысы аз келгенсип, Украина Куралдуу күчтөрүнүн бир бөлүгүнө "УПА баатырларынын атын" ыйгарганы кырдаалды курчуткан. Дал ушул уюмдун колунан миңдеген поляк кырылган.
* Россия Федерациясында тыюу салынган террордук уюм
** Росфинмониторинг тарабынан экстремисттик ишмердүүлүккө же террорчулукка тиешеси бар адамдардын тизмесине киргизилген
*** Россияда экстремисттер менен террорчулардын тизмесине киргизилген
**** Россия Федерациясында экстремисттик деп таанылып, тыюу салынган уюм
