https://sputnik.kg/20260518/zhurnalist-zheke-brend-sotstarmak-onukturuu-1101386438.html
Эксперт журналисттин жеке брендин соцтармакта өнүктүрүүнүн жолдорун айтып берди
Эксперт журналисттин жеке брендин соцтармакта өнүктүрүүнүн жолдорун айтып берди
Sputnik Кыргызстан
БИШКЕК, 18-май — Sputnik. Социалдык тармактарда журналисттин жеке брендин кантип өнүктүрүү керектигин Sputnik маалымат агенттиги жана радиосунун... 18.05.2026, Sputnik Кыргызстан
2026-05-18T16:55+0600
2026-05-18T16:55+0600
2026-05-18T17:21+0600
кыргызстан
мастер-класс
sputnikpro
билим берүү
долбоор
маалымат борбор
https://sputnik.kg/img/07ea/05/12/1101385897_478:260:3639:2038_1920x0_80_0_0_816871e9f60f5494d727fcac8ad01307.jpg
БИШКЕК, 18-май — Sputnik. Социалдык тармактарда журналисттин жеке брендин кантип өнүктүрүү керектигин Sputnik маалымат агенттиги жана радиосунун редактор-баяндамачысы Таалайбек Ороскулов айтып берди. Агартуу багытындагы SputnikPro долбоорунун иш-чарасы Sputnik Кыргызстан маалымат борборунда өттү. Ороскулов ЖМК кызматкери үчүн медиада таанымал болуу терең ойлонулган максат болушу керектигин белгиледи. Анын айтымында, көпчүлүк чыр-чатак жана негатив аркылуу таанымал болууга аракет кылат, бирок мындай ыкма көпкө узабайт. Ал редакция маалымат мейкиндигинде чектөөлөргө туш болгондон кийин өзүнүн социалдык тармактагы баракчаларын активдүү өнүктүрө баштаганын айтты. Анын айтымында, контент аналитикалык форматта болгонуна карабастан, айрым видеолору жүз миңдеген көрүүлөрдү топтоп жатат. Спикер журналист үчүн комментарийлерге жана аудиториянын реакциясына көз каранды болбоо эмне үчүн маанилүү экенин түшүндүрдү. "Эгер жасаган контент өзүңүзгө жакса — жарыялап коюп, унутуңуз. Сизди басынтууга болгон аракеттерге реакция кылбаңыз. Жан дүйнө тынчтыгы эң баалуу нерсе", — деди журналист. Ал маалыматтык манипуляциялар жана социалдык тармактардагы алгоритмдердин иштөө темасына өзгөчө көңүл бурду. Журналисттин айтымында, колдонуучулар комментарийлерде ботторго жана атайын уюштурулган жасалма чыр-чатактарга көп туш болушат. Жолугушуунун жүрүшүндө катышуучулар медиадагы таасир этүү технологияларын, интервью жана түз эфир жүргүзүүнүн өзгөчөлүктөрүн, ошондой эле журналисттин стресстик учурлардагы ишин талкуулашты. Ороскулов түз эфирдин алып баруучусу теманы жакшы билип, маекти башкара алышы керектигин белгиледи. Анын айтымында, журналисттин саясаттан тартып маданиятка жана баарлашуу психологиясына чейин ар түрдүү тармактарды түшүнүшү маанилүү. "Дайыма ар багыттагы маселелерди түшүнүүгө аракет кылыңыздар. Бир эле темага байланып калбагыла", — деп кеңеш берди журналист студенттерге. Спикер темалар менен иштөө тууралуу айтып берип, журналист материалдын акыркы варианты кандай болорун алдын ала түшүнүшү керектигине токтолду. "Эфир учурунда алгач теманы ойлоп коём. Андан кийин материалга керектүү болгон сөздөрдү спикерден чыгарууга аракет кылам", — деди ал.
https://sputnik.kg/20260327/sputnikpro-fotozhurnalistika-keneshter-1100474809.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, мастер-класс, sputnikpro, билим берүү, долбоор
кыргызстан, мастер-класс, sputnikpro, билим берүү, долбоор
БИШКЕК, 18-май — Sputnik. Социалдык тармактарда журналисттин жеке брендин кантип өнүктүрүү керектигин Sputnik маалымат агенттиги жана радиосунун редактор-баяндамачысы Таалайбек Ороскулов айтып берди.
Агартуу багытындагы SputnikPro долбоорунун иш-чарасы Sputnik Кыргызстан маалымат борборунда өттү.
Ороскулов ЖМК кызматкери үчүн медиада таанымал болуу терең ойлонулган максат болушу керектигин белгиледи. Анын айтымында, көпчүлүк чыр-чатак жана негатив аркылуу таанымал болууга аракет кылат, бирок мындай ыкма көпкө узабайт.
"Хейт эң көп дегенде эки күн жашайт. Эгер дайыма эле хейт аркылуу популярдуу болууга аракет кыла берсең, анда өмүр бою негатив издеп өтүүгө туура келет", — деп белгиледи журналист.
Ал редакция маалымат мейкиндигинде чектөөлөргө туш болгондон кийин өзүнүн социалдык тармактагы баракчаларын активдүү өнүктүрө баштаганын айтты.
"Мен ар кайсы социалдык тармактарда аккаунт ачып, өзүм жакшы түшүнгөн темалар: орус тили, геосаясат жана эл аралык күн тартиби тууралуу видеолорду жарыялай баштадым", — деди Ороскулов.
Анын айтымында, контент аналитикалык форматта болгонуна карабастан, айрым видеолору жүз миңдеген көрүүлөрдү топтоп жатат.
"Азыр көпчүлүк узак видеолорду көрбөйт, бирок менин 8-9 мүнөттүк роликтерим жүз миңдеген көрүүлөрдү чогултууда", — деди ал.
Спикер журналист үчүн комментарийлерге жана аудиториянын реакциясына көз каранды болбоо эмне үчүн маанилүү экенин түшүндүрдү.
"Эгер жасаган контент өзүңүзгө жакса — жарыялап коюп, унутуңуз. Сизди басынтууга болгон аракеттерге реакция кылбаңыз. Жан дүйнө тынчтыгы эң баалуу нерсе", — деди журналист.
Ал маалыматтык манипуляциялар жана социалдык тармактардагы алгоритмдердин иштөө темасына өзгөчө көңүл бурду. Журналисттин айтымында, колдонуучулар комментарийлерде ботторго жана атайын уюштурулган жасалма чыр-чатактарга көп туш болушат.
"Өздөрүнө керектүү темаларды илгерилеткен белгилүү бир топтор жана буюртмачылар бар. Бүгүнкү күндө муну жасалма интеллект аркылуу дагы жасап жатышат", — деди ал.
Жолугушуунун жүрүшүндө катышуучулар медиадагы таасир этүү технологияларын, интервью жана түз эфир жүргүзүүнүн өзгөчөлүктөрүн, ошондой эле журналисттин стресстик учурлардагы ишин талкуулашты. Ороскулов түз эфирдин алып баруучусу теманы жакшы билип, маекти башкара алышы керектигин белгиледи. Анын айтымында, журналисттин саясаттан тартып маданиятка жана баарлашуу психологиясына чейин ар түрдүү тармактарды түшүнүшү маанилүү.
"Дайыма ар багыттагы маселелерди түшүнүүгө аракет кылыңыздар. Бир эле темага байланып калбагыла", — деп кеңеш берди журналист студенттерге.
Спикер темалар менен иштөө тууралуу айтып берип, журналист материалдын акыркы варианты кандай болорун алдын ала түшүнүшү керектигине токтолду.
"Эфир учурунда алгач теманы ойлоп коём. Андан кийин материалга керектүү болгон сөздөрдү спикерден чыгарууга аракет кылам", — деди ал.
