https://sputnik.kg/20260203/zelenskiydin-aty-epshteyndin-dokumentterinen-tabylgan-1099503815.html
Зеленскийдин аты Эпштейндин адам сатуу боюнча документтеринде айтылган
Зеленскийдин аты Эпштейндин адам сатуу боюнча документтеринде айтылган
Sputnik Кыргызстан
Катта Зеленский модель агенти Жан-Люк Брюнель менен кызматташкан болушу ыктымал экени да жазылган. 03.02.2026, Sputnik Кыргызстан
2026-02-03T15:34+0600
2026-02-03T15:34+0600
2026-02-03T15:35+0600
дүйнөдө
акш
владимир зеленский
сексуалдык ыдык
балдар
коомчулук
түрмө
https://sputnik.kg/img/07e9/0c/19/1098819807_0:87:3072:1814_1920x0_80_0_0_ce2811418b2e7804704d4a69dbf84555.jpg
БИШКЕК, 3-фев. — Sputnik. АКШнын Юстиция министрлиги жарыялаган Жеффри Эпштейндин аялдарды, балдарды сатуу боюнча материалдарда Владимир Зеленский жөнүндө да айтылган. Бул туурасында РИА Новости жазды. Белгисиз адам 2024-жылдагы электрондук каттардын биринде кызыгарлык маалымат калтырган. Анда Киев бийлигинин башчысы Украинанын аймагынан адамдарды чыгарып кетүүгө тиешеси болушу мүмкүндүгү, ошондуктан анын кирешесин текшерүү зарылдыгы айтылган. Катта ошондой эле Зеленский модель агенти Жан-Люк Брюнель менен кызматташкан болушу ыктымал экени да жазылган. Агент 2020-жылы жашы жете электерди зордуктап жана Эпштейндин жашы жете элек балдарды сексуалдык жол менен пайдаланган схемасына жардам берген деп күнөөлөнгөн. Өткөн аптанын жума күнү АКШнын башкы прокурорунун орун басары Тодд Бланш чуулгандуу финансисттин иши боюнча маалыматтарды ачыкка чыгаруу иши соңуна чыкканын билдирди. Жалпы жарыяланган материалдардын көлөмү 3,5 миллион файлдан ашты. Анын ичинде документтер, электрондук каттар, ошондой эле фото жана видеоматериалдар бар. Эпштейндин иши 2008-жылы бул киши жашы жете электерди сойкулукка тартуу жана зордуктоо боюнча кылмыштуу ишке аралашкан, тагыраагы, жоопко тартылган. Миллиардер күнөөсүн мойнуна алып, тергөө менен келишим түзүп, түрмөдө болжол менен 13 ай жаза өтөгөн. 2019-жылы аны балдарды сексуалдык эксплуатациялоо үчүн сатуу жана мындай ишке адамдарды тартып кылмыш жасаган деген айып менен кайра темир тордун ичине киргизилген. Тергөөдө айтылгандай, 2002-2005-жылдары ал Нью-Йорк жана Флоридадагы резиденцияларда ондогон кыздар менен интимдик байланышта болгон. Анын мындай кылмышынан жабыркагандардын айрымдары 14 жашка да толо электиги айтылат. Ошол эле жылы августта Эпштейн абакта өзүнүн жанын кыйганы айтылат. Анын шериги Гислейн Максвелл 20 жылга эркинен ажыратылган. Былтыр коомчулук бул ишке дыкаттык менен көз салып, өзгөчө карай баштады. Ага финансисттин электрондук кат алышуусунун болжол менен 20 миң барагы, ошондой эле эл оозундагы белгилүү адамдардын сүрөттөрүнүн ачыкка чыгышы себеп болду. Алардын арасында АКШнын президенти Дональд Трамп, Ак үйдүн мурдагы башчысы Билл Клинтон, Улуу Британиянын АКШдагы мурдагы элчиси Питер Мандельсон, режиссёр Вуди Аллен, ырчы Майкл Жексон, ишкер Ричард Брэнсон, Улуу Британиянын падышасы Карл IIIнүн бир тууганы Эндрю жана башка адамдар бардыгы айтылды.
https://sputnik.kg/20251226/akshdagy-en-nachar-kylmyshkerler-ukrainalyktar-1098847280.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, владимир зеленский, сексуалдык ыдык, балдар, коомчулук, түрмө
дүйнөдө, акш, владимир зеленский, сексуалдык ыдык, балдар, коомчулук, түрмө
Зеленскийдин аты Эпштейндин адам сатуу боюнча документтеринде айтылган
15:34 03.02.2026 (Жаңыртылды: 15:35 03.02.2026) Катта Зеленский модель агенти Жан-Люк Брюнель менен кызматташкан болушу ыктымал экени да жазылган.
БИШКЕК, 3-фев. — Sputnik. АКШнын Юстиция министрлиги жарыялаган Жеффри Эпштейндин аялдарды, балдарды сатуу боюнча материалдарда Владимир Зеленский жөнүндө да айтылган. Бул туурасында
РИА Новости жазды.
Белгисиз адам 2024-жылдагы электрондук каттардын биринде кызыгарлык маалымат калтырган. Анда Киев бийлигинин башчысы Украинанын аймагынан адамдарды чыгарып кетүүгө тиешеси болушу мүмкүндүгү, ошондуктан анын кирешесин текшерүү зарылдыгы айтылган.
Катта ошондой эле Зеленский модель агенти Жан-Люк Брюнель менен кызматташкан болушу ыктымал экени да жазылган. Агент 2020-жылы жашы жете электерди зордуктап жана Эпштейндин жашы жете элек балдарды сексуалдык жол менен пайдаланган схемасына жардам берген деп күнөөлөнгөн.
Өткөн аптанын жума күнү АКШнын башкы прокурорунун орун басары Тодд Бланш чуулгандуу финансисттин иши боюнча маалыматтарды ачыкка чыгаруу иши соңуна чыкканын билдирди. Жалпы жарыяланган материалдардын көлөмү 3,5 миллион файлдан ашты. Анын ичинде документтер, электрондук каттар, ошондой эле фото жана видеоматериалдар бар.
2008-жылы бул киши жашы жете электерди сойкулукка тартуу жана зордуктоо боюнча кылмыштуу ишке аралашкан, тагыраагы, жоопко тартылган. Миллиардер күнөөсүн мойнуна алып, тергөө менен келишим түзүп, түрмөдө болжол менен 13 ай жаза өтөгөн.
2019-жылы аны балдарды сексуалдык эксплуатациялоо үчүн сатуу жана мындай ишке адамдарды тартып кылмыш жасаган деген айып менен кайра темир тордун ичине киргизилген. Тергөөдө айтылгандай, 2002-2005-жылдары ал Нью-Йорк жана Флоридадагы резиденцияларда ондогон кыздар менен интимдик байланышта болгон. Анын мындай кылмышынан жабыркагандардын айрымдары 14 жашка да толо электиги айтылат.
Ошол эле жылы августта Эпштейн абакта өзүнүн жанын кыйганы айтылат. Анын шериги Гислейн Максвелл 20 жылга эркинен ажыратылган.
Былтыр коомчулук бул ишке дыкаттык менен көз салып, өзгөчө карай баштады. Ага финансисттин электрондук кат алышуусунун болжол менен 20 миң барагы, ошондой эле эл оозундагы белгилүү адамдардын сүрөттөрүнүн ачыкка чыгышы себеп болду.
Алардын арасында АКШнын президенти Дональд Трамп, Ак үйдүн мурдагы башчысы Билл Клинтон, Улуу Британиянын АКШдагы мурдагы элчиси Питер Мандельсон, режиссёр Вуди Аллен, ырчы Майкл Жексон, ишкер Ричард Брэнсон, Улуу Британиянын падышасы Карл IIIнүн бир тууганы Эндрю жана башка адамдар бардыгы айтылды.
26 Бештин айы 2025, 10:37
