КМШ — абройлуу интеграциялык бирикме. Путиндин кебинин урунттуу учурлары
15:10 10.10.2025 (Жаңыртылды: 10:51 13.10.2025)
© Sputnik / Григорий Сысоев
/ Жазылуу
БИШКЕК, 10-окт. — Sputnik. Көз карандысыз мамлекеттердин шериктештиги (КМШ) абройлуу интеграциялык бирикме катары калыптанды. Бул тууралуу Владимир Путин Душанбеде өтүп жаткан КМШ мамлекет башчыларынын кеңешинин тар чөйрөдөгү жыйынында билдирди.
"30 жылдан ашык убакыт ичинде КМШ өлкөлөрү таасирдүү аймактык жана интеграциялык бирикме катары калыптанды", — деди россиялык лидер.
Путин дагы эмнелерди айтты:
КМШда өз ара кызматташууну тереңдетүүнүн жаңы механизмдерин жана инструменттерин киргизүү идеясын колдойм;
Шериктештик өлкөлөрүнүн лидерлери тышкы саясий маселелер боюнча сааттарын дайыма текшерип турат;
КМШнын алкагында импортту алмаштыруу процесстери жүрүп жатат. Негизгиси — жөн гана бир нерсени алмаштыруу эмес, кайсы бир жерде лидер болуу, кайсы бир жерде эле эмес, негизги тармактарда лидер болуу. Жөн эле көз карандысыз болбостон, айрым тармактарды жетектешибиз керек;
терроризмге, экстремизмге жана коррупцияга каршы күрөш бирикменин ишиндеги маанилүү багыт;
Москва "КМШ плюс" форматын түзүү чечимин колдойт, бул уюм менен башка мамлекеттерди жана эл аралык структураларды активдүү тартууга жол ачат;
Евразиялык экономикалык биримдиктин (ЕАЭБ) эшиги кошулам дегендер үчүн дайым ачык, мүчөлүктүн экономикалык пайдасы чоң, ири рыноктор жеткиликтүү облуп, кооперациялар үчүн көбүрөөк ыңгайлуу шарт түзөт;.
КМШ лидерлерине Жеңиштин 80 жылдыгын майрамдоого катышкандыгы үчүн ыраазычылык билдирем;
КМШ лидерлерин декабрда, Жаңы жылдын алдында Санкт-Петербургга салттуу бейформал жолугушууга чакырам.
