2030-жылга чейинки электр энергиясынын тарифтик саясаты бекитилди
© AP Photo / Tariq Mikkel khan
Жазылуу
БИШКЕК, 30-апр. — Sputnik. 2025-2030-жылдарга электр энергиясынын тарифтик саясаты бекитилди. Токтомго министрлер кабинетинин төрагасы Адылбек Касымалиев 24-апрелде кол койгон.
Документ 1-майда күчүнө кирет. Ага ылайык, саатына 700 киловаттка чейин колдонгондорго баа 26 тыйынга, андан жогору пайдаланган учурда 21 тыйынга кымбаттайт.
Бекитилген тарифтер (2030-жылга чеийнки өсүш):
карапайым калкка — 700 киловаттка чейин 1,37 сом (2030-жылы 3,40 сомго жеткирилет);
"үй-бүлөгө көмөк" жөлөк пулун алган муктаждарга — 700 киловаттка чейин 50 тыйын;
жогорудагы эки категорияга — 700 киловаттан жогору 2,60 сом (жыл сайын инфляция + 3,5 пайыз);
чектөөсүз керектөө үчүн — 3,81 сом (жыл сайын инфляция + 3,5 пайыз);
социалдык жана коомдук керектөөчүлөргө — 2,62 (жыл сайын инфляция + 3,5 пайыз);
электромобилдерди кубаттоо станцияларына — 5,31 сом (жыл сайын инфляция + 3,5 пайыз);
өнөр жай керектөөчүлөрүнө — 3,34 сом (жыл сайын инфляция + 3,5 пайыз);
коммерциялык керектөөчүлөргө — 3,96 сом (жыл сайын инфляция + 3,5 пайыз);
бюджеттик керектөөчүлөргө — 4,09 сом (жыл сайын инфляция + 3,5 пайыз);
энергияны көп керектөөчүлөргө — 6,06 сом (жыл сайын инфляция + 3,5 пайыз).
