Радиостудия Sputnik Кыргызстан в Бишкеке - Sputnik Кыргызстан, 1920
Радио

Шарапов: республика боюнча 10 касапкана ЕАЭБдин реестрине кирген

© Sputnik / Шабдан Абылгазы уулуСуу ресурстары, айыл чарба жана кайра иштетүү өнөр жайы министрлигине караштуу Ветеринардык кызматтын директорунун орун басары Бакыт Шарапов
Суу ресурстары, айыл чарба жана кайра иштетүү өнөр жайы министрлигине караштуу Ветеринардык кызматтын директорунун орун басары Бакыт Шарапов  - Sputnik Кыргызстан, 1920, 07.02.2024
Жазылуу
Суу ресурстары, айыл чарба жана кайра иштетүү өнөр жайы министрлигине караштуу Ветеринардык кызматтын директорунун орун басары Бакыт Шарапов өлкөдөгү 45 мал базардын дээрлик жарымы ветеринардык талаптарга жооп бербесин айтты.
Мындан ары базардагы мал союучу жайларда ветеринардык-санитардык көзөмөл болот. Аларга электрондук күбөлүк да берилет. Бул тууралуу Бакыт Шарапов Sputnik Кыргызстан радиосунун эфиринде маек куруп жатып билдирди.
Шарапов: республика боюнча 10 касапкана ЕАЭБдин реестрине кирген
Анын айтымында, союлган малдын этине сатууга уруксат берилгенде гана сүйрү формадагы мөөр коюлат.
"Мал союучу, эт сатуучу жайлар жана ашканалар тамак-аш коопсуздугу жаатында алып караганда орчундуу объектилердин катарына кирет. Республика боюнча учурда иштеп жаткан 45 мал базардын 20сы ветеринардык талаптарга жооп бербейт. Өткөн жылы мыйзам бузган 17 мал базарга 160 миң сомдук айып пул салынган. Мындан ары базардагы мал союучу жайларда ветеринардык көзөмөл болот. Аларга электрондук күбөлүк берилет. Республика боюнча 101 мал союучу жайдын 10у ЕАЭБ өлкөлөрүнүн реестрине кирген. Демек, талапка жооп берет. Ал эми 15 мал союучу жайдын иши токтотулуп, сегизи ички реестрден чыгарылган. Буларга 225 миң сом айып пул салынды. Алгач союлган малдын этине ветеринардык-санитардык текшерүүчү жайга багыттаган төрт бурчтук мөөр басылып, кийин сатууга уруксат берилгенде гана сүйрү мөөр коюлат. Бул этти эч кооптонбой колдонууга болорун билдирет", — деди Шарапов.
Ал эт сатуучу жайлардан текшерип-изилдөөнүн протоколун талап кылып, андагы QR код аркылуу толук маалымат алууга болорун кошумчалады.
Жаңылыктар түрмөгү
0