https://sputnik.kg/20231219/zhk-komiteti-mamlekettik-tuunu-ozgortuunu-koldodu-1081365135.html
ЖК комитети мамлекеттик тууну өзгөртүүнү колдоду. Кезек жалпы депутаттарда
ЖК комитети мамлекеттик тууну өзгөртүүнү колдоду. Кезек жалпы депутаттарда
Sputnik Кыргызстан
Комитет жыйынына туунун авторлору Бекбосун Жайчыбеков менен Жусуп Матаев чакырылып, кызуу талкуу менен өттү. 19.12.2023, Sputnik Кыргызстан
2023-12-19T12:19+0600
2023-12-19T12:19+0600
2023-12-19T12:20+0600
кыргызстан
туу
жогорку кеңеш
өзгөртүү
депутат
талкуу
мирлан самыйкожо
видео
https://sputnik.kg/img/07e7/0b/10/1080492575_0:166:3051:1882_1920x0_80_0_0_1b2ca4c9b220d60586c50084bc2c79aa.jpg
БИШКЕК, 19-дек. — Sputnik. Жогорку Кеңештин конституциялык мыйзамдар, мамлекеттик түзүлүш, сот-укук комитети мамлекеттик тууну өзгөртүү боюнча маселени карап, аны экинчи, үчүнчү окууда колдоду.Комитет жыйынына туунун авторлору Бекбосун Жайчыбеков менен Жусуп Матаев чакырылып, ал кызуу талкуу менен өттү.Депутаттардын ичинен Мирлан Самыйкожо кескин каршы чыгып, тууну өзгөртүп кереги жоктугун белгиледи. Ал мамлекеттик бул символикада камтылган улуттук баалуулуктар туурасында кеңири түшүндүрдү. Андан сырткары, өзгөртүүгө макулдугун билдирген эл өкүлдөрү пикирин айтышты. Бир катарлары туунун түсүн кызыл эмес, көк кылып алмаштырууну сунушташты.Жыйынтыгында, депутаттар мамлекеттик тууну өзгөртүүнү бир добуштан колдошту. Эми аны парламенттин жалпы жыйынына алып киришет.Эске салсак, мамлекеттик тууну өзгөртүү боюнча демилге бир нече убакыт мурда көтөрүлгөн. Анда Жогорку Кеңештин спикери Нурлан Шакиев менен депутат Улан Примов ЖКнын конституциялык мыйзамдар комитетинде желектеги күндүн нурун эле эмес, түндүктүн чамгарагын да өзгөртүүнү айтып чыккан.Бирок мындай сунуш коомчулуктун бир бөлүгүнүн нааразылыгын жараткан. Талкуу, ар кыл пикирлерден улам бул боюнча мамлекеттик катчы Сүйүнбек Касмамбетов да үн каткан.Туунун алмашып кетишине каршы экенин жакында эле болуп өткөн II Элдик курултайдын делегаттарынан да билдиришкен.Бул боюнча соңку пикирди президент Садыр Жапаров курултайдын экинчи күнү айткан."Кийин спикер Нурлан Шакиевге ушундай болуп жатат деп айткам. Эми желекти оңдоп-түзөө менин компетенцияма кирбейт, Жогорку Кеңеш карайт. Авторлорун чакырып, кеңешип, күндүн нурун кичине түздөп, боз үйдүн чамгарагын 4кө көбөйтүп койбойсуңарбы деп мен сурангам. Ошон үчүн Нурлан Шакиевди тепкилебегиле, мени тепкилегиле", — деген анда мамлекет башчысы.Садыр Жапаров буга чейинки Туу күнү менен куттуктоодо бул символиканын кыргыз элинин карт тарыхынан алган орду өзгөчө экенин, аны унутууга эч кимдин акысы жоктугун айткан.Эскерте кетсек, туу Кыргыз Республикасынын Жогорку Советинин 1992-жылдын 3-мартындагы токтому менен бекитилген. Аны Эдил Айдарбеков, Бекбосун Жайчыбеков, Сабыр Иптаров, Жусуп Матаев жана Маматбек Сыдыков иштеп чыккан.
https://sputnik.kg/20231004/mamlekettik-simvol-jelek-tuu-taryhy-abaly-1079122760.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, туу, жогорку кеңеш, өзгөртүү, депутат, талкуу, мирлан самыйкожо, видео
кыргызстан, туу, жогорку кеңеш, өзгөртүү, депутат, талкуу, мирлан самыйкожо, видео
ЖК комитети мамлекеттик тууну өзгөртүүнү колдоду. Кезек жалпы депутаттарда
12:19 19.12.2023 (Жаңыртылды: 12:20 19.12.2023) Комитет жыйынына туунун авторлору Бекбосун Жайчыбеков менен Жусуп Матаев чакырылып, кызуу талкуу менен өттү.
БИШКЕК, 19-дек. — Sputnik. Жогорку Кеңештин конституциялык мыйзамдар, мамлекеттик түзүлүш, сот-укук комитети мамлекеттик тууну өзгөртүү боюнча маселени карап, аны экинчи, үчүнчү окууда колдоду.
Комитет жыйынына туунун авторлору Бекбосун Жайчыбеков менен Жусуп Матаев чакырылып, ал кызуу талкуу менен өттү.
Депутаттардын ичинен Мирлан Самыйкожо кескин каршы чыгып, тууну өзгөртүп кереги жоктугун белгиледи. Ал мамлекеттик бул символикада камтылган улуттук баалуулуктар туурасында кеңири түшүндүрдү. Андан сырткары, өзгөртүүгө макулдугун билдирген эл өкүлдөрү пикирин айтышты. Бир катарлары туунун түсүн кызыл эмес, көк кылып алмаштырууну сунушташты.
Жыйынтыгында, депутаттар мамлекеттик тууну өзгөртүүнү бир добуштан колдошту. Эми аны парламенттин жалпы жыйынына алып киришет.
Эске салсак, мамлекеттик тууну өзгөртүү боюнча демилге бир нече убакыт мурда көтөрүлгөн. Анда Жогорку Кеңештин спикери Нурлан Шакиев менен депутат Улан Примов ЖКнын конституциялык мыйзамдар комитетинде желектеги күндүн нурун эле эмес, түндүктүн чамгарагын да
өзгөртүүнү айтып чыккан.
Бирок мындай сунуш коомчулуктун бир бөлүгүнүн нааразылыгын жараткан. Талкуу, ар кыл пикирлерден улам бул боюнча мамлекеттик катчы Сүйүнбек Касмамбетов
да үн каткан.
"Эл шайлаган Жогорку Кеңештин депутаттары элдин мүдөөсүн эске алуу менен иш алып барат деген тилекте бололу", — деген ал.
Туунун алмашып кетишине каршы экенин жакында эле болуп өткөн II Элдик курултайдын делегаттарынан
да билдиришкен.
Бул боюнча соңку пикирди президент Садыр Жапаров курултайдын
экинчи күнү айткан.
"Кийин спикер Нурлан Шакиевге ушундай болуп жатат деп айткам. Эми желекти оңдоп-түзөө менин компетенцияма кирбейт, Жогорку Кеңеш карайт. Авторлорун чакырып, кеңешип, күндүн нурун кичине түздөп, боз үйдүн чамгарагын 4кө көбөйтүп койбойсуңарбы деп мен сурангам. Ошон үчүн Нурлан Шакиевди тепкилебегиле, мени тепкилегиле", — деген анда мамлекет башчысы.
Садыр Жапаров буга чейинки
Туу күнү менен куттуктоодо бул символиканын кыргыз элинин карт тарыхынан алган орду өзгөчө экенин, аны унутууга эч кимдин акысы жоктугун айткан.
"Көк жиреген кызыл туубуз эгемендикти ар дайым эстетип, эзелтен ата-бабаларыбыздын калтырган таберик мурастарына ээлик кылууга дем берип, Кыргызстаныбыздын жаркын келечегине болгон ишенимди бекемдеп турганы турган. Андыктан кызыл туубуздун кыргыз элинин карт тарыхынан алган орду өзгөчө! Аны унутууга эч кимдин акысы жок!" — деген анда президент.
Эскерте кетсек, туу Кыргыз Республикасынын Жогорку Советинин 1992-жылдын 3-мартындагы токтому менен бекитилген. Аны Эдил Айдарбеков, Бекбосун Жайчыбеков, Сабыр Иптаров, Жусуп Матаев жана Маматбек Сыдыков иштеп чыккан.
4 Тогуздун айы 2023, 12:05
