42 жашында өлкө башына келген. Турдакун Усубалиевди эскерген сүрөт баян
42 жашында өлкө башына келген. Турдакун Усубалиевди эскерген сүрөт баян
Sputnik Кыргызстан
Бүгүн республиканы 25 жыл башкарган Турдакун Усубалиевдин туулган күнү. Sputnik Кыргызстан агенттиги көрүнүктүү мамлекеттик ишмердин сүрөттө калган ирмемдерин... 06.11.2023, Sputnik Кыргызстан
Турдакун Усубалиев Кочкор районунун Кочкор кыштагында жөнөкөй дыйкандын үй-бүлөсүнөн чыгып, 1941-жылы Фрунзедеги Кыргыз мамлекеттик педагогика институтун аяктаган. Эмгек жолун Кочкордогу орто мектептен баштап, кийин партиянын Кочкор райкомунда, Кыргызстан Коммунисттик партиянын Борбордук комитетинин аппаратында иштеген. Согуш жылдары аны мамлекет фронтко жөнөтпөй койгондо Компартиянын Борбордук комитетинин алдындагы Жогорку партиялык мектептин угуучусу болуп, андан соң он жыл бою Москвада жооптуу кызматтарды аркалаган.1961-жылы Кыргызстан Коммунисттик партиясынын Борбордук комитетинин биринчи катчысы болуп дайындалганга чейин "Советтик Кыргызстан" гезитинин жооптуу редактору, Кыргызстан коммунисттик партиясынын Борбордук комитетинин бөлүм башчысы, Фрунзе шаардык комитетинин биринчи катчысы болуп иштеген.Усубалиев республиканы 1985-жылга чейин башкарып, 25 жыл өлкөнүн башында туруп Москвадагы Хрущёв, Брежнев, Черненко, Андропов, Горбачев менен иштешкен. Ал жылдары Кыргыз ССРинде көптөгөн завод-фабрика, ГЭС, аэропорттор ишке кирип, бир топ маданий жайлар иштей баштаган.КР Баатыры пенсияга чыккандан кийин Жогорку Кеңешке эки жолу депутат болуп, 2015-жылы 6-сентябрда кайтыш болгон.Тема боюнча:
Бүгүн республиканы 25 жыл башкарган Турдакун Усубалиевдин туулган күнү. Sputnik Кыргызстан агенттиги көрүнүктүү мамлекеттик ишмердин сүрөттө калган ирмемдерин чогултту.
Турдакун Усубалиев Кочкор районунун Кочкор кыштагында жөнөкөй дыйкандын үй-бүлөсүнөн чыгып, 1941-жылы Фрунзедеги Кыргыз мамлекеттик педагогика институтун аяктаган. Эмгек жолун Кочкордогу орто мектептен баштап, кийин партиянын Кочкор райкомунда, Кыргызстан Коммунисттик партиянын Борбордук комитетинин аппаратында иштеген. Согуш жылдары аны мамлекет фронтко жөнөтпөй койгондо Компартиянын Борбордук комитетинин алдындагы Жогорку партиялык мектептин угуучусу болуп, андан соң он жыл бою Москвада жооптуу кызматтарды аркалаган.
1961-жылы Кыргызстан Коммунисттик партиясынын Борбордук комитетинин биринчи катчысы болуп дайындалганга чейин "Советтик Кыргызстан" гезитинин жооптуу редактору, Кыргызстан коммунисттик партиясынын Борбордук комитетинин бөлүм башчысы, Фрунзе шаардык комитетинин биринчи катчысы болуп иштеген.
Усубалиев республиканы 1985-жылга чейин башкарып, 25 жыл өлкөнүн башында туруп Москвадагы Хрущёв, Брежнев, Черненко, Андропов, Горбачев менен иштешкен. Ал жылдары Кыргыз ССРинде көптөгөн завод-фабрика, ГЭС, аэропорттор ишке кирип, бир топ маданий жайлар иштей баштаган.
КР Баатыры пенсияга чыккандан кийин Жогорку Кеңешке эки жолу депутат болуп, 2015-жылы 6-сентябрда кайтыш болгон.
![Косыгинди тосуп алган кыргыз жетекчилери. Азыркы "Манас" эл аралык аэропорту курулуп бүтүп, жаңы ишке кирген учур - Sputnik Кыргызстан](https://sputnik.kg/img/07e7/0b/06/1080247711_0:0:2048:1926_600x0_80_0_1_7050e5990c32d652132582331489d69e.jpg "Косыгинди тосуп алган кыргыз жетекчилери. Азыркы "Манас" эл аралык аэропорту курулуп бүтүп, жаңы ишке кирген учур")
![Анын тушунда филармония, Тарых музейи, "Ала-Тоо" аянты, "Жеңиш" аянты, борбордогу жер өтмөктөрү курулган - Sputnik Кыргызстан](https://sputnik.kg/img/101801/85/1018018552_0:0:1246:1290_600x0_80_0_1_5e0e637c154a3e371b5956dc1681fa38.jpg "Анын тушунда филармония, Тарых музейи, "Ала-Тоо" аянты, "Жеңиш" аянты, борбордогу жер өтмөктөрү курулган")
![Мамлекеттик ишмер "легендарлуу" парламенттин депутаты да болгон - Sputnik Кыргызстан](https://sputnik.kg/img/07e5/0b/06/1054508486_0:0:2000:1224_600x0_80_0_1_b44d90baed3fa4238281e121262b616d.jpg "Мамлекеттик ишмер "легендарлуу" парламенттин депутаты да болгон")
