Быйыл Кумтөрдүн канча алтыны сатылып, бюджетке канча акча түшкөнү айтылды

© AFP / SEBASTIAN DERUNGSАлтын. Архив
Алтын. Архив - Sputnik Кыргызстан, 1920, 03.06.2023
Жазылуу
2022-жылдын алгачкы үч айына салыштырмалуу быйыл алтын 26,8 миллион долларга көп сатылган.
БИШКЕК, 3-июн — Sputnik. Үстүбүздөгү жылдын биринчи кварталында (январь-март) Кумтөр кенинен 2 тонна 504 килограмм (80 511 унция) алтын өндүрүлдү. Бул туурасында "Кумтөр голд компани" (КГК) ишканасы билдирди.
Маалыматка ылайык, өткөн жылдын ушул мезгилине салыштырмалуу быйыл 436 килограммга көбүрөөк казылган.
Өлкө бюджетине которулган салыктар, Социалдык фондго болгон чегерүү жана башка милдеттүү төлөмдөр 48,1 миллион долларын түздү.
"Көлөмдүн өсүшү биринчи кезекте рудадагы алтындын курамынын көп болушу, ошондой эле рудадан металлды алуу коэффициентинин жогорулашына байланыштуу. 2023-жылдын биринчи кварталында фабрикага жиберилген рудадагы алтындын орточо курамы тоннасына 2,34 граммды, рудадан алтынды ылгап алуу коэффициенти 72,11 пайызды түздү. 2022-жылы бул көрсөткүчтөр тоннасына 2,27 граммды жана 67,46 пайыздык чекте болчу", — деп айтылат маалыматта.
Ошондой эле "Кыргыз алтын" ишканасы үч айда өндүрүлгөн баалуу металлдын 2 тонна 412 килограммын 146,7 миллион долларга саткан. Бул 2022-жылдын биринчи кварталына караганда 26,8 миллион долларга көп экени белгиленди.
Ал эми бюджетке которулган салыктар, Социалдык фондго чегерүүлөр жана башка милдеттүү төлөмдөр 48,1 миллион долларды түзгөн. Аны менен катар компаниянын чыгымы 91,7 миллион долларга жеткен.
Алтын куймалары. Архив - Sputnik Кыргызстан, 1920, 16.05.2023
Улуттук банктын алтын кору 2,4 миллиард сомго төмөндөдү
Жаңылыктар түрмөгү
0