Абу-Даби — Бишкек — Абу-Даби каттамынын өзгөчө шарттары жарыяланды

© Sputnik / Наталья Селиверстова / Медиабанкка өтүүАэропортто турган учак. Архив
Аэропортто турган учак. Архив - Sputnik Кыргызстан, 1920, 01.06.2023
Жазылуу
Бул багыт боюнча каттамдар жумасына үч жолу – шейшемби, бейшемби жана ишемби күндөрү аткарылат.
БИШКЕК, 1-июн. — Sputnik. "Манас" эл аралык аэропорту жарандарды Абу-Даби — Бишкек — Абу-Даби каттамынын тийиштүү шарттары менен таанышып алууга чакырат.
Маалыматта авиакаттамдарды Wizz Air Abu-Dhabi авиакомпаниясы жүргүзөрү айтылган. Ошондой эле төмөндөгү эрежелердин бардыгы авиакомпаниянын шарттары экени, аба майдандын ага эч кандай тиешеси жоктугу белгиленди.
Шарттар:
акысыз катталуу авиакомпаниянын расмий сайтында (www.wizzair.com) учууга бир күн калганда онлайн режиминде жүргүзүлөт;
учуу үчүн алдын ала катталбаган учурда авиакомпаниянын шарттарына ылайык, аэропортто катталуу үчүн 45 евро төлөөгө зарыл болот;
аэропорттун каттоо жайларында акысыз онлайн каттоодон өтүү мүмкүн эмес;
эгер сиз учууга бир күн калганда сайт аркылуу онлайн катталсаңыз, анда сиз басып чыгарылган талонду беришиңиз керек же уюлдук телефонуңузга жол жүрүү документин (талон) жүктөп алуу зарыл. Сиздин саякат документиңиз (талон) сиздин учууга катталганыңызды тастыктайт;
эгерде кандайдыр бир себептерден улам талон көрсөтүлбөгөн учурда, онлайн каттоодон өтүп, бирок тастыктоочу документтерди тапшырбасаңыз, учууга катталуу үчүн аэропортто 45 евро төлөшүңүз керек болот;
сиздин каттам транзиттик болгон күндө дагы, Бириккен Араб Эмираттарына визаңыз болушу керек.
Эске салсак, Абу-Даби — Бишкек — Абу-Даби багыты боюнча каттамдар Wizz Air Abu-Dhabi авиакомпаниясы тарабынан жумасына үч жолу – шейшемби, бейшемби жана ишемби күндөрү аткарылат.
Жүргүнчүлөр аэропорттун каттоо столунда. Архив - Sputnik Кыргызстан, 1920, 25.05.2023
Мамлекетке карызы барларга аэропорттон эле төлөп чет өлкөгө кетүүгө шарт түзүлөт
Жаңылыктар түрмөгү
0