Эрдоган менен Путин жакыр өлкөлөрдү азык менен камсыздоого белсеништи

© Sputnik / POOL / Медиабанкка өтүүТүркия менен Россиянын президенттери Режеп Тайип Эрдоган менен Владимир Путин. Архив
Түркия менен Россиянын президенттери Режеп Тайип Эрдоган менен Владимир Путин. Архив - Sputnik Кыргызстан, 1920, 09.01.2023
Жазылуу
НовостиTelegram
Путин Африканын жакыр өлкөлөрүнө кайтарымсыз түрдө эгин берүүгө даяр экендигин билдирген.
БИШКЕК, 9-янв. — Sputnik. Түркия менен Россиянын президенттери Режеп Тайип Эрдоган менен Владимир Путин муктаж болгон өлкөлөрдү азык менен камсыздоого ниеттенип жатышат. Бул тууралуу Түркия лидери билдиргенин РИА Новости агенттиги жазды.
Буга чейин Эрдоган Путин менен Россиянын данын жана жер семирткичин Африканын ачарчылыктан кыйналып жаткан өлкөлөрүнө жөнөтүү тууралуу сүйлөшкөнүн билдирген. Путин сентябрдын башында Батыш Украинанын данын Африка өлкөлөрүнө эмес, өзүнө ташып жатканын айткан. РФ лидери Москва келишимдин алкагында жакыр өлкөлөргө тиешелүү делген эгинди кайтарымсыз түрдө берүүгө даяр экенин билдирген.
"Биз Владимир Путин менен бул маселени дагы бир жолу талкууладык. Эгиндин 44-46 пайызы кайда кетип жатат? Европага. Путин "мен данды акысыз берем. Ал эми силер аны Африканын жакыр өлкөлөрүнө жеткиресиңер" деди. Биз бул азыктарды Африканын жакыр өлкөлөрүнө эгин коридору аркылуу жөнөтөлү деп турабыз", — деди Эрдоган Антальядагы жолугушууда.
Россия, Түркия, Украина жана БУУ өткөн жылдын 22-июлунда кол койгон Дан келишиминде Украинанын эгинин, азык-түлүк жана жер семирткичтерин Кара деңиз аркылуу үч порт менен жеткирүү каралган. Келишимдин мөөнөтү 18-ноябрда аяктап, бирок кол койгон тараптар макул болсо дароо 120 күнгө узартылмак. Макулдашуу Россиянын азык-түлүк, жер семирткичтерин экспорттоого чектөөнү алуу боюнча келишим топтомунун бир бөлүгү болуп эсептелет. Москва дал ушул бөлүк аткарылбаганын белгилеген. Ошол эле учурда БУУ тараптан чектөөлөр алынары айтылган болчу.
Буудай талаалары. Архив - Sputnik Кыргызстан, 1920, 05.11.2022
Reuters: Россия Батышты Россельхозбанктан санкцияны алууга чакырды
Жаңылыктар түрмөгү
0