https://sputnik.kg/20221123/kazakstan-zhangorozova-chokmorov-kok-serek-taberik-surot-1070254454.html
Казак талаасындагы Жангорозова менен Чокморов. "Көк серектеги" таберик сүрөт
Казак талаасындагы Жангорозова менен Чокморов. "Көк серектеги" таберик сүрөт
Sputnik Кыргызстан
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт. 23.11.2022, Sputnik Кыргызстан
2022-11-23T20:00+0600
2022-11-23T20:00+0600
2022-11-23T20:00+0600
кыргызстан
маданият
алиман жангорозова
сүймөнкул чокморов
"көк серек" тасмасы
таберик сүрөт
сүрөт
https://sputnik.kg/img/07e5/07/01/1053069115_0:0:2048:1153_1920x0_80_0_0_4def09d49d89a999428837cd6255c1d1.jpg
© Sputnik / Александр ФедоровКыргыз ССРинин эл артисти Алиман Жангорозова, казакстандык кичинекей актер Камбар Валиев жана СССРдин эл артисти Сүймөнкул Чокморовдун сүрөтү 1973-жылы Казакстандын Иле өрөөнүндө тартылган.Ал жылы кыргыздын белгилүү кинорежиссеру Төлөмүш Океев "Казакфильмдин" чакыруусу менен белгилүү жазуучу Мухтар Ауэзовдун чыгармасынын негизинде "Көк серек" көркөм тасмасын коңшу республикада тарткан.Сүрөттөгү инсандарды Төлөмүш Океевдин кызы Азиза Океева мындайча эскерет.Кинокартинада карышкырдын ийининен алынган бөлтүрүк менен кичинекей Курмаштын ортосундагы мамиле көрсөтүлгөн. Кийин ал жырткыч чоңоюп качып кетип, убакыт өткөн соң куралчан аңчылардын огунан жарадар болуп, өзү чоңойгон сарайга кайтып келет. Бирок эски досуна жардам бермекчи болгон Курмашты карышкыр талап коёт.Талаа-түздө, тоо-ташта тартылган Океевдин ал эмгеги мыкты советтик 100 тасманын катарына кирип, СССРдин атынан "Эң мыкты чет элдик фильм" номинациясы боюнча Оскар сыйлыгына көрсөтүлгөн. Ага Каргамбай Сатаев, Нуржуман Ихтымбаев, Мухамедкали Таванов өңдүү казак актёрлору да катышкан.Тема боюнча:
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, маданият, алиман жангорозова, сүймөнкул чокморов, "көк серек" тасмасы, таберик сүрөт, сүрөт, инфографика
кыргызстан, маданият, алиман жангорозова, сүймөнкул чокморов, "көк серек" тасмасы, таберик сүрөт, сүрөт, инфографика
Казак талаасындагы Жангорозова менен Чокморов. "Көк серектеги" таберик сүрөт
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
© Sputnik / Александр Федоров
Кыргыз ССРинин эл артисти Алиман Жангорозова, казакстандык кичинекей актер Камбар Валиев жана СССРдин эл артисти Сүймөнкул Чокморовдун сүрөтү 1973-жылы Казакстандын Иле өрөөнүндө тартылган.
Ал жылы кыргыздын белгилүү кинорежиссеру Төлөмүш Океев "Казакфильмдин" чакыруусу менен белгилүү жазуучу Мухтар Ауэзовдун чыгармасынын негизинде "Көк серек" көркөм тасмасын коңшу республикада тарткан.
Сүрөттөгү инсандарды Төлөмүш Океевдин кызы Азиза Океева мындайча эскерет.
"Атам Муратбек Рыскулов, Алиман Жангорозова, Сүймөнкул Чокморов, Советбек Жумадыловду аябай жакшы көрчү. Аларды көптөгөн тасмаларына тартылууга чакырган. "Бакайдын жайытында" актерлук курамга Алиман эже сүрөтчү Сагын Ишеновдун сунушу менен кирип калган жайы бар. Анда Муратбек Рыскулов Бакайдын, Жангорозова байбичеси Урум апанын ролун аткарган. Андан соң экөө тең "Уркуя" көркөм тасмасына тартылмак болушат. Бир күнү режиссердун кабинетине Муратбек Рыскуловдун байбичеси Сабира Күмүшалиева келип, отургучка отуруп "сен мени абышкам менен тартпасаң ушул жерден кетпейм" деп ыйлаган экен. Актриса "мен дагы артистмин, кинодо роль аткара алам. Сен эмнеге кайра-кайра эле менин абышкам менен Жангорозованы тарта бересиң? Алар жаңы фильмде кайра түгөйлөрдү ойношобу? Алыста командировкада жолдошумду ким карайт. Мага Уркуянын апасынын ролун бер" деп арыз-муңун айтып туруп алган. Ошондо атам ал кишиге көксөгөн ролун берип, Жангорозованы массовкада ойногонго көндүргөн. Кийин Жангорозова "Көк серек", "Кызыл алма", "Ак илбирстин тукуму" өңдүү атамдын көптөгөн тасмаларына тартылган", — деди Океева.
Кинокартинада карышкырдын ийининен алынган бөлтүрүк менен кичинекей Курмаштын ортосундагы мамиле көрсөтүлгөн. Кийин ал жырткыч чоңоюп качып кетип, убакыт өткөн соң куралчан аңчылардын огунан жарадар болуп, өзү чоңойгон сарайга кайтып келет. Бирок эски досуна жардам бермекчи болгон Курмашты карышкыр талап коёт.
Талаа-түздө, тоо-ташта тартылган Океевдин ал эмгеги мыкты советтик 100 тасманын катарына кирип, СССРдин атынан "Эң мыкты чет элдик фильм" номинациясы боюнча Оскар сыйлыгына көрсөтүлгөн. Ага Каргамбай Сатаев, Нуржуман Ихтымбаев, Мухамедкали Таванов өңдүү казак актёрлору да катышкан.
