Арабадагы Алиман Жангорозова жана аны сүйрөгөн киночулар. Тасмадагы таберик сүрөт

Жазылуу
НовостиTelegram
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
© Sputnik / Александр Федоров
Кинорежиссер Жали Соданбек, арабаны сүйрөп түрткөн ассистенттери жана арабада отурган Кыргыз ССРинин эл артисти Алиман Жангорозова менен кичинекей актер Нияз Каиповдун сүрөтү 1973-жылы Ысык-Көл облусунда тартылган.
Ал жылы Жали Соданбек дипломдук иши катары "Бурма" тасмасын тартып, сценарийин Кадыркул Өмүркулов жазып, операторлук кызматты Марлест Туратбеков, Шайлообек Алыкулов аткарган.
Ошол кезеңди кинофильмдин режиссеру Жали Соданбек мындайча эскерет:
"Бүткүл союздук кинематография институтун аяктап жатып дипломдук ишим катары тарткам. Башкы ролдогу Бурманын ролун Алиман Жангорозова, кичинекей баланы Нияз Каипов, чалдын образын Кулмухамбетов аткарган. Фильмде Улуу Ата Мекендик согуш маалындагы элеттеги турмушту, уулун, жолдошун фронтко кетирип жалгыз калган кемпирдин тагдыры баяндалган. Тартуу иштери толугу менен Ысык-Көл облусунун Тоң районундагы Бар-Булак айылында өткөн. Ал эми сүрөттөгү ат арабаны сүйрөп жөнөгөн учурду тамаша иретинде фотографка тарттырып алганбыз", — деди режиссер.
Кийин Кыргыз Республикасынын искусствого эмгек сиңирген ишмери "Кыргызфильмде" эмгектенип "Процесс", "Не ищи объяснения", "Дилетант" өңдүү бир катар кинокартиналарды жараткан.
Тема боюнча:
Шакирттеринин курчоосундагы Гапар Айтиев. Ысык-Көлдө тартылган таберик сүрөт
Бакен Кыдыкеева казакстандык "келини" менен. "Саманчынын жолунан" таберик сүрөт
Темиркул Үмөталиев, Гапар Айтиев, Түгөлбай Сыдыкбеков. Таберик сүрөт
Жаңылыктар түрмөгү
0