Самолетто репетиция кылган Сайра Кийизбаева. Опера ырчысынын таберик сүрөтү

Жазылуу
НовостиTelegram
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
СССРдин эл артисти, белгилүү опера ырчысы Сайра Кийизбаеванын Кытайга концерт коюп баратып учактын ичинде репетиция кылып жаткан сүрөтү 1955-жылы тартылган. Анын жанына таланттуу концертмейстер Светлана Мнацаканова фортепианодо ойноп жатат.
Кыргыз элинин алгачкы опера жылдызы ал жылдары Азия, Европа өлкөлөрүнө чейин гастролдогон. Ошол кезеңди белгилүү композитор, Кыргыз ССРинин эл артисти, Токтогул атындагы мамлекеттик сыйлыктын лауреаты Владимир Власов көзү тирүү кезинде мындайча эскерген.
"Сайра Кийизбаева 40 жылдай сахнага чыгып тажрыйба топтоп, кыргыз, орус операларында жана дүйнөлүк классикадан ондогон партияларды аткарган. Ал кыргыз маданияты менен бирге жетилип, чет өлкөлөргө гастролдорго барып, 1947-жылы Прагада биринчи жолу уюштурулган демократиялык жаштардын фестивалына катышып, чет элдиктердин алдына чыккан биринчи кыргыз опера ырчысы. 1952-жылы СССРдин Чоң театрына чакыртылып, ал жакта "Чио-Чио-сан" операсында Баттерфляйдын партиясын ийгиликтүү аткарып, москвалык көрүүчүлөрдүн сүймөнчүлүгүнө ээ болгон", — деген Власов.
Кыргыз ССРинин эл артисти кийин мугалимдикти аркалап, борбор калаадагы Бүбүсара Бейшеналиева атындагы искусство институтунда 1967-жылдан баштап өмүрүнүн аягына чейин эмгектенип далай таланттарды тарбиялаган. Залкар талант 1988-жылы 11-октябрда оорудан улам 70 жаш курагында көз жумган.
Тема боюнча:
Залкарлардын алдында ырдаган Токтосун Тыныбеков. 60 жыл мурунку таберик сүрөт
Арабадагы Алиман Жангорозова жана аны сүйрөгөн киночулар. Тасмадагы таберик сүрөт
Жаңылыктар түрмөгү
0