Акылбек Жапаров: Өзбекстан менен чек ара маселеси чечилди

© Фото / пресс-служба кабинета министров КР / Эргеш ЖусубалиевМинистрлер кабинетинин төрагасы Акылбек Жапаров
Министрлер кабинетинин төрагасы Акылбек Жапаров  - Sputnik Кыргызстан, 1920, 01.10.2022
Жазылуу
НовостиTelegram
Депутат Адахан Мадумаров "Кемпир-Абад" суу сактагычы Өзбекстанга өткөнү айтылып жатат" деп парламентте билдирген.
БИШКЕК, 1-окт. — Sputnik. Өзбекстан менен чек ара маселеси сүйлөшүү жолу менен чечилди. Бул тууралуу министрлер кабинетинин төрагасы Акылбек Жапаров чек арадагы окуялардын натыйжасында кыйраган айылдарды калыбына келтирүү жана өнүктүрүү боюнча мамлекеттик комиссиянын биринчи жыйынында айтты.
Ал белгилегендей, эми бийлик кыргыз-тажик чек арасындагы 200 чакырымдык талаштуу аймактардын маселесин чечүү үчүн бардык күч-аракетин жумшайт.
"Кандай жол болбосун биз чек араны делимитациялоо жана демаркациялоо маселесин чечип, калктын тынч жашоосун камсыздайбыз", — деди Жапаров.
Ошондой эле ал буга чейин Кыргызстан менен Өзбекстандын өкмөттүк делегациялары мамлекеттик чек араны делимитациялоо жана демаркациялоо боюнча биргелешкен жыйындын протоколуна кол коюшканын эске салды.
Документ чек аранын айрым участоктору боюнча жаңы келишимдин долбоорун макулдашуу процедурасын баштоого мүмкүндүк берет.
Кийин депутат Адахан Мадумаров "Кемпир-Абад" суу сактагычы Өзбекстанга өткөнү айтылып жатат" деп парламентте билдирген.
Бишкекте кыргыз-өзбек мамлекеттик чек арасынын айрым тилкелери жөнүндө жаңы келишимдин долбоорун макулдашуу процедурасын баштоого мүмкүндүк берген протоколго кол коюлду - Sputnik Кыргызстан, 1920, 26.09.2022
Бишкекте кыргыз-өзбек чек арасын тактоо боюнча протоколго кол коюлду
Жаңылыктар түрмөгү
0