Улуттук банктын алтын корунун баасы көтөрүлдү

© AFP / DAVID GRAYАлтын куймалары. Архив
Алтын куймалары. Архив - Sputnik Кыргызстан, 1920, 27.08.2022
Жазылуу
Буга чейин алтын корунун наркы төрт ай катары менен түшүп кеткен.
БИШКЕК, 27-авг. — Sputnik. Июль айында Улуттук банктын алтын корунун баасы 434,6 миллион сомго көтөрүлдү. Бул тууралуу мекеменин сайтында жазылган.
Белгилей кетсек, буга чейин алтындын запасынын баасы түшүп, төрт айдан бери көтөрүлбөй жаткан.
1-мартка карата баасы 55 миллиард сомду түзгөн (андан кийин арзандай баштаган);
1-апрелге карата — 52,8 миллиард (баа түшкөн);
1-майга карата — 51,4 миллиард (баа түшкөн);
1-июнга карата — 50,2 миллиард (баа түшкөн);
1-июлга карата — 47,3 миллиард 357,2 миллион сом (баа түшкөн);
1-августта — 47 миллиард 791,8 миллион (баа жогорулаган).
Акыркы айда баа эмнеден улам көтөрүлгөнү айтылган эмес.
Дүйнөлүк бааны карай турган болсок, Баалуу металлдардын Лондон ассоциациясынын кечки фиксингинде 1-июлга карата бир унциясы 1797,45 доллар болсо, 1-августта 1772,4 долларга бааланган. Бирок Кыргызстанда доллардын расмий курсу бул убакыт аралыгында 3,57 сомго өскөн.

Алтын корунун наркы кантип өзгөрдү?

Былтыр туруктуу болбой өйдө-ылдый чыгып турган, тагыраагы, майда рекорддук көрсөткүчкө жетип 99 миллиард сомдон ашса, сентябрга карата 29 миллиардга төмөндөп кеткен.
Алтын валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валютадан турат: SDR (Атайын карыз алуу укугу – Эл аралык валюта фондунун (ЭВФ) жасалма резерви жана төлөө каражаттары) жана алтын.
Алтын жана күмүш шакектер. Архив - Sputnik Кыргызстан, 1920, 24.08.2022
Баалуу металлдар боюнча жаңы мыйзам: өлкөдө зер буюмдар арзандайбы
Жаңылыктар түрмөгү
0