Баланы мектепке даярдоого канча каражат керек? Инфографика

Жазылуу
НовостиTelegram
Жаңы окуу жылына саналуу күндөр калды. Sputnik Кыргызстандын кабарчысы борбор калаада окуучуларды мектепке даярдоого канча каражат талап кылынарын билип көрдү.
Былтыр окуучулар 15-сентябрда мектепке барышса, быйылкы окуу жылы 1-сентябрдан башталат. Ушу тапта базарда балдарын жетелеп жаңы окуу жылына камылга көрүп жүргөн ата-энелерди арбын көрүүгө болот.
Сатуучулардын айтымында, быйыл кийим-кечеге болгон баа былтыркыга салыштырмалуу 20-30 пайызга өскөн. Ошондой эле башталгыч класстын окуучусу менен чоң класстын балдарынын кийиминин баасы анча айырмаланбайт. Бирок Кыргызстанда көпчүлүк ата-эне орточо баадагы кийим-кечеге ыктайт.
Бүгүнкү күндө ар кыл чөнтөккө ылайыкташкан товар жетиштүү. Мисалы, башталгыч класстын окуучусунун классикалык үлгүдөгү шымын 500 сомго да алууга болот. Ошол эле учурда каалагандар үчүн 3000 сомдук шымдар да сатылат.
Ал эми Билим берүү жана илим министрлиги бир дагы мектеп окуучуларга өзү тандаган форманы таңуулай албайт, ага укугу жок деди. Демек, ар бир ата-эне мүмкүнчүлүгүнө жараша классикалык стилдеги каалаган кийимин алып бере алат.
Бирдиктүү мектеп формасы боюнча 2015-жылы бекитилген өкмөттүн токтомунда окуучулар классикалык стилде кийиниши керек деп жазылган. Анын ичинде мектеп формасынын бир нече түсү көрсөтүлгөн. Ак көйнөк же кофта, кара шым, юбка да классикалык стилге кирет. Болгону окуучу мектепке спорттук же башка стилде кийинип келбеши керек.
Тема боюнча:
Чийки демилге. Министрлик 12 жылдык окуунун ыраатын так түшүндүрө алган жок
Жаңылыктар түрмөгү
0