Эртең мектеп директорлугуна талапкерлерди тестирлөө башталат

© Фото / Pexels / Sora Shimazaki Офистеги жумушчулар. Иллюстративдик сүрөт
Офистеги жумушчулар. Иллюстративдик сүрөт - Sputnik Кыргызстан, 1920, 10.08.2022
Жазылуу
Тестирлөө Билимдин сапатын баалоо жана маалыматтык технологиялар улуттук борбору тарабынан өткөрүлөт.
БИШКЕК, 10-авг. — Sputnik. Эртең, 11-августта, Баткен жана Жалал-Абад облустарында мектеп директорлорунун бош орундарына талапкерлерди компьютердик тестирлөөдөн өткөрүү башталат. Бул тууралуу Билим берүү жана илим министрлиги билдирди.
Тестирлөө Билимдин сапатын баалоо жана маалыматтык технологиялар улуттук борбору тарабынан өткөрүлөт.
Процесстин ачыктыгын жана айкындуулугун камсыз кылуу үчүн көз карандысыз коомдук уюмдардын өкүлдөрүнө байкоо жүргүзүү жана телеканалдардын катышуусу менен социалдык тармактарда түз алып көрсөтүү пландаштырылууда.
Баткен облусунда 98, Жалал-Абад облусунда 158 мектеп директорлугуна ваканттык орун бар.
Конкурска байланыштуу суроолор жаралса, 0505 110 10; 0556 110 107; 0755 112 237; 0778 112 238 номерлерине кайрылуу сунушталды.
Мектеп мугалими. Архивдик сүрөт - Sputnik Кыргызстан, 1920, 09.08.2022
Ош шаарындагы мектептерге 200 мугалим жетишпейт. Бош орундардын тизмеси
Жаңылыктар түрмөгү
0