Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

Жаңы Каховкага урулган сокку: күчөгөн өрт, кайталанган жарылуу. Видео

Жазылуу
Херсон облусундагы Жаңы Каховка шаарына америкалык жогорку тактыктагы HIMARS ракетасы (жапырт ок чыгарган реактивдүү система) менен урган соккунун кесепетинен чыккан өрт жана жарылуулар дагы деле болуп жатат.
Соккунун кесепетинен 29 адамга медициналык жардам көрсөтүлгөнүн Жаңы Каховка шаарынын борбордук ооруканасынын медициналык бөлүмүнүн жетекчиси Юрий Андриевский РИА Новостинин кабарчысына айтып берген.
"Эртең мененки саат 10го карата 9 адам дарыланып, 20 кишиге амбулатордук жардам көрсөтүлдү. Абалы өтө оор бир ноокасты Херсон облустук ооруканасына жөнөтөбүз", — деген дарыгер.
Анын айтымына караганда, көптөрүнүн колу-буту, денеси жана беттери жабыркаган.
"Жабыркагандар дагы деле түшүп жатат. Жарадарларды түндө аскерлер сооттолгон транспорт менен да алып келишти, себеби коменданттык саат эмеспи. Андан сырткары, жаракат алгандар өздөрү да келип жатат" , — деген Андриевский.
Украиналык аскерлер шейшембиге караган түнү Жаңы Каховка шаарында сокку урган. Андан улам селитра сакталган кампалар жарылган, кесепети ооруканага, эл жашаган үйлөргө, чиркөө жана башка имараттарга да тийген. Кеминде жети киши көз жумганы, 70 адамдын жарадар болгону, бул сандын дагы өсүшү мүмкүн экени айтылды. Себеби урандылардын алдында кишилер бар экенин билдиришти.
Аскердик-жарандык администрациянын маалыматына караганда, ракеталык соккуну америкалык жогорку тактыктагы HIMARS ракетасы (жапырт ок чыгарган реактивдүү система) менен урган. Белгород, Новошахтинск жана башка россиялык объектилерди тарткан сыяктуу буга чейин үч күн мурда АКШ спутниктеринин бири Жаңы Каховканы тартып алганы айтылды.
Жаңылыктар түрмөгү
0